نئی دہلی، کھادی اور ولیج انڈسٹری کمیشن (کے وی آئی سی) کی قومی بورڈ کی آج یہاں نئی دہلی میں نویں میٹنگ منعقد ہوئی۔ بہت چھوٹی ، چھوٹی اور درمیانے درجے کی صنعتوں کی وزارت کے وزیر مملکت جناب گری راج کشور نے اس میٹنگ کی صدارت کی۔ وزیر موصوف نے ایک موبائیل ایپلی کیشن کا افتتاح کیا جو ملک میں 4000 ہزار کھادی اسٹورز کے بارے میں معلومات فراہم کرائے گی۔ ہندستان میں 8 ہزار سے زائد کھادی اسٹور ہیں،بقیہ اسٹور اس ماہ کے آخر تک اس موبائیل ایپ لوکیٹر پر دستیاب ہو جائیں گے۔ اس بات کی اطلاع کھادی اور ولیج انڈسٹری کمیشن کے چیئرمین جناب ونے کمار سکسینہ نے دی ہے ۔
چیئرمین موصوف نے مزید کہا کہ کے وی آئی سی کو اس بات کی امید ہے کہ وہ 18-2017 کے آخر تک 5 ہزار کروڑ سے زائد فروخت کا اپنا ہدف پورا کرلے گا۔ کے وی آئی سی اپنے کھادی مصنوعات کو فروغ دینے کے لئے بھی بین الاقوامی بازار میں لانے کے لئے کوشاں ہے۔
کھادی اور ولیج انڈسٹری مصنوعات تقریباً 7 لاکھ نجی ملکیت والی گھریلو اکائیوں میں تیار کی جاتی ہیں جن کے لئے سرمایہ فراہمی کا کام پردھان منتری روزگار فراہمی پروگرام جیسی اسکیموں کے ذریعہ انجام دیا جاتا ہے۔
