اس گاندھی جینتی کے موقع پر کھادی کے چاہنے والوں کا جذبہ کووڈ-19 کے خوف پر غالب آ گیا جبکہ کناٹ پلیس میں دہلی کے فلیگ شپ کھادی انڈیا آؤٹ لیٹ نے 1 کروڑ سے زیادہ کی ریکارڈ فروخت کی۔ جمعہ (2 اکتوبر) کو کھادی کی مجموعی فروخت 1،02،19،496 روپے ریکارڈ کی گئی ، جو موجودہ کورونا وبائی صورتحال کے پیش نظر نمایاں طور پر زیادہ ہے۔ گزشتہ سال ، 2 اکتوبر کو کھادی کے سی پی آؤٹ لیٹ میں کل فروخت 1.27 کروڑ روپے رہی تھی۔
اوسطاً 6258 روپے فی بل کی خریداری کے ساتھ دن بھر میں 1633 بل تیار ہوئے۔ مختلف طبقات اور عمر سے تعلق رکھنے والے صارفین صبح سے ہی کھادی انڈیا کے آؤٹ لیٹ میں قطار میں لگے نظر آئے۔ نمایاں طور پر، کھادی اور ولیج انڈسٹریز کمیشن نےمہاتماگاندھی کی 151ویں یوم پیدائش منانے کے لیے اپنی تمام مصنوعات پر روایتی سالانہ خصوصی 20 فیصد کی چھوٹ بھی شروع کی ہے۔
KVICچیئرمین شری ونے کمار سکسینا نے بڑے پیمانے پر فروخت کے اعداد و شمار کو وزیر اعظم شری نریندر مودی کی طرف سے کھادی خریدنے کے لیے کی جانے والی مسلسل اپیلوں اور عوام میں اس کی بڑھتی ہوئی مقبولیت کے ساتھ منسوب کیا۔ سکسینا نے کہا، ”کورونا وبائی بیماری کے باوجود، لوگوں کی بڑی تعداد کھادی خریدنے کے لیے آئی جو کہ عالیجناب وزیر اعظم کی بار بار کی جانے والی اپیلوں کا نتیجہ ہے۔ کھادی ایک گھریلو نام بن گیا ہے اور کھادیکے چاہنے والوں کی تعداد میں مسلسل اضافہ ہوتا جارہا ہے۔ اور پیداوار میں کئی گنا اضافے کے باوجود ، KVIC نے اپنی مصنوعات کی حد کےاعلیٰ ترین معیار کو یقینی بنایا ہے جس نے ہمارے صارفین کی بنیاد کو برقرار رکھا ہے۔ “ انھوں نے مزید کہا کہ اگرچہ اس سال اس وبائی بیماری کی وجہ سے فروخت کے اعدادوشمار پچھلے سال کے نشان سے تھوڑا کم رہے ہیں ، لیکن ایک ہی دن میں1 کروڑ سے زیادہ کی فروخت کافی اطمینان بخش ہے۔
اس سال کھادی کی فروخت کیاعلیٰاعدادشمار زیادہ اہمیت کے حامل ہیں۔ اگرچہ کووڈ-19 لاک ڈاؤن کے دوران تقریباً تمام سرگرمیاںبندتھیں ، KVIC نے ملک بھر میں اپنیمتنوع سرگرمیوں کو جاری رکھا جس میں کپڑے اور دیہی صنعتی مصنوعات کی وسیع رینج کے علاوہ چہرے کے ماسک اور ذاتیحفظان صحت سے متعلق مصنوعات جیسے ہینڈ واش اور ہینڈ سینیٹائزر کی تیاری بھی شامل ہے۔
