نئی دہلی،24؍مارچ،سائنس اور ٹیکنالوجی کے وزیر ڈاکٹر ہرش وردھن نے کہا ہے کہ وزیراعظم کو نوجوانوں پر زبردست اعتماد ہے کہ وہ ملک کو عظیم فائدہ پہنچائیں گے۔ آج نئی دہلی میں نیشنل ریشرج ڈیولپمنٹ کارپوریشن (این آر ڈی سی) کے بہترین دریافت ایوارڈ دینے کے بعد تقریر کرتے ہوئے انہوں نے کہا کہ اس ضمن میں وزیراعظم جناب نریندر مودی 2022 تک ایک نئے بھارت کی امید کرتے ہیں۔ وزیر موصوف نے کہا کہ ملک میں بڑی آبادی کے فائدے کی وجہ سے اگلے پانچ سے دس برس ملک کیلئے ایک سنہرا دور ہونے کی امید ہے۔ انہوں نے سبھی پر زور دیا کہ وہ اس عظمت کو حاصل کرنے کیلئے، جو بھارت کا حصہ ہے، زبردست خود اعتمادی اور عزم کے ساتھ آگے بڑھیں۔ انہوں نے کہا کہ این آر ڈی سی جیسے اداروں میں زیادہ اختراعات اور دریافت کرنے کی ضرورت ہے۔
سی ایس آئی آر کے ڈی جی اور ڈی ایس آئی آر کے سکریٹری ڈاکٹر گریش ساہنی نے کہا کہ این آر ڈی سی اپنے ماضی کے شاندار ریکارڈ کے ساتھ ٹیکنالوجی کو عوام تک پہنچانے کیلئے ایک لیڈر کی حیثیت سے آگے بڑھے۔
نیشنل ریسرچ ڈیولپمنٹ کارپوریشن ( جو حکومت ہند کی سائنس اور ٹیکنالوجی کی وزارت کے تحت ڈی ایس آئی آر کا ایک ادارہ ہے) ’’اسٹارٹ اپ میں تیزی لانے کیلئے اختراعاتی ماحولیاتی نظام کا فروغ ‘‘کے موضوع پر 43ویں این آر ڈی سی اختراعاتی ایوارڈ تقریب اور کانفرنس کا انعقاد کررہی تھی۔
