نئی دہلی، آئی این ایس مگر ، جو جنگی سامان لے جانے والا ایک جہاز ہے ، سمندری طوفان سے متاثرہ علاقوں کے لئے ریلیف کا ضروری سامان لے کر ممبئی سے موزمبیق کی بندرگاہ بیرا کے لئے روانہ ہوگیا ہے۔
یہ ہندوستانی جنگی جہاز 300 ٹن ریلیف کا سامان لے کر جارہا ہے ، جن میں ضروری دوائیں ، چھوت کی بیماریوں کی روک تھام سے متعلق دوائیں ، خوراک کا سامان ، کپڑے ، مرمت اور بازآبادکاری میں کام آنے والا سامان اور عارضی خیمے وغیرہ شا مل ہیں۔ یہ جہاز وہاں پر جاری راحت رسانی کے کاموں میں مدد کے لئے بحریہ کا ایک ہلکا چیتک ہیلی کاپٹر بھی لے جارہا ہے۔
آئی این ایس مگر بندرگاہ بیرا پہنچے گا اور یہ ہندوستانی بحریہ کا چوتھا جہاز ہوگا۔ اس سے پہلے آئی این ایس سوجاتا ، شاردُل اور ساراتھی وہاں موزمبیق میں انسان دوستی کے کاموں میں ہاتھ بٹانے کے لئے جاچکے ہیں۔