نئی دہلی، یونین پبلک سروس کمیشن (ی پی ایس سی) کے ذریعے 7 جنوری 2018 کو کرائے گئے انجینئرنگ سروس (ابتدائی ) امتحان – 2018 کے تحریری حصے کے نتائج کی بنیاد پر انجینئرسروس (مین) امتحانات – 2018 کے لئے اہل قرار دئیے گئے امیدواروں کے ناموں کا اعلان کردیا گیا ہے ۔ یہ نتائج یوپی ایس سی کی ویب سائٹ:http://www.upsc.gov.in پر دستیاب ہیں۔
ان امیدواروں کی امیدواری امتحانات کے تمام مرحلوں کے لئے پوری طرح عبوری ہے جس کی اہلیت کے لئے مقررہ شرائط کا پورا ہونا لازمی ہے۔ نتائج میں کامیاب امیدواروں کو انجینئرنگ سروس (مین) امتحان – 2018 میں شرکت کرنی ہوگی ، جو پہلی جولائی 2018 کو منعقد ہوں گے۔ اہل امیدواروں کو مزید مشورہ دیا جاتا ہے کہ وہ ریلوے کی وزارت کے ذریعے جاری کردہ انجینئرنگ سروس امتحان 2018 کے ضابطوں اور کمیشن کے ذریعے 27 ستمبر 2017 کو جاری کردہ امتحان کے نوٹس نمبر 01/2018 پر عمل کریں ، جو کمیشن کی ویب سائٹ پر دستیاب ہیں۔ امیدوار انجینئرنگ سروس (مین) امتحان – 2018 کے شروع ہونے سے تقریبا تین ہفتے پہلے کمیشن کی ویب سائٹ سے اپنے ای-ایڈمٹ کارڈ داؤن لوڈ کرسکتے ہیں۔ امیدواروں کو مطلع کیا جاتا ہے کہ انجینئرنگ سروس (ابتدائی) امتحان- 2018 کے نمبر اور کٹ آف مارک انجینئرنگ سروس امتحانات – 2018 کا پورا عمل مکمل ہونے کے بعد کمیشن کی ویب سائٹ : www.upsc.gov.inپر اپ لوڈ کئے جائیں گے۔ انجینئرنگ سروس (مین) امتحان – 2018 کے لئے سینٹر / ڈسپلن میں تبدیلی کے لئے کسی بھی صورت حال میں درخواست قبل نہیں کی جائے گی۔
یونین پبلک سروس کمیشن کا اس کے احاطے میں ایک سہولتی کاؤنٹر بھی موجود ہے۔ امیدوار امتحانات ؍ نتائج کے بارے میں کسی بھی معلومات ؍ وضاحت کے لئے بذات خود کام کے دنوں میں صبح 10 بجے سے شام 5 بجے تک رجوع کرسکتے ہیں یا مذکورہ نمبروں پر ٹیلی فون کرسکتے ہیں: 23388088, (011)-23385271/23381125/23098543۔
