پہلے مرحلے میں ای۔ نیم سے 250 منڈیاں جڑیں: رادھا موہن سنگھ

نئی دہلی: زراعت اور کسانوں کی بہبود کے مرکزی وزیر جناب رادھا موہن سنگھ نے آج قومی زرعی بازار (ای۔ این اے ایم) کے پہلے مرحلے کو کامیابی سے پورا کرنے کا اعلان کیا اور ای۔ نیم موبائل ایپ لانچ کیا۔ اس موقع پر زراعت اور کسانوں کی بہبود کے وزیر مملکت جناب پرشوتم روپالا بھی موجود تھے۔ اس موقع پر زراعت کے اور کسانوں کی فلاح کے مرکزی وزیر جناب رادھا موہن سنگھ نے اعلان کیا کہ مجھے یہ اعلان کرتے ہوئے خوشی ہورہی ہے کہ پائلٹ مرحلے میں آئے زیادہ تر نفاذ کے معاملوں کو حل کرلیا گیا ہے اور اب تک 10 ریاستوں کی 250 منڈیوں میں ای۔ نیم پلیٹ فارم شروع ہوچکا ہے۔ آندھرا پردیش 12، چھتیس گڑھ 5، گجرات 40، ہریانہ 36، ہماچل پردیش 7، جھارکھنڈ 8، مدھیہ پردیش 20، راجستھان11 تلنگانہ 44 اور اترپردیش 67 ۔ انہوں نے مطلع کیا کہ 14 ریاستوں میں 399 منڈیوں کو ای۔ نیم سے جوڑنے کے لئے تجاویز موصول ہوئی ہیں۔ ان سبھی کو منظوری دے دی گئی ہے۔

انہوں نے کہا کہ مجھے یہ اعلان کرتے ہوئے فخر محسوس ہورہا ہے کہ سبھی اسٹاک ہولڈروں اور خاص کر منڈی مار مارکیٹنگ بورڈ کے افسروں کی سرگرم حصہ داری سے یہ پروگرام کامیاب ہورہا ہے اور طے شدہ پروگرام سے آگے بڑھ رہا ہے۔ مجھے یقین ہے کہ یہ کسانوں کی آمدنی بڑھانے میں کافی مدد کرے گا۔ اب تک 421 کروڑ روپے کے 1539927 میٹرک ٹن زرعی پیداوار کا کاروبار ای۔ نیم پر ہوچکا ہے۔ انہوں نے کہا کہ اب تک 160229 کسانوں ، 46688 تاجروں اور 2570 کمیشن ایجنٹوں کو ای۔ نیم پلیٹ فارم پر رجسٹر کیا جاچکا ہے۔

انہوں نے کہا کہ مارچ 2018 تک ای نیم کے پہلے مرحلے میں کل 585 منڈیوں کو جوڑنے کا نشانہ ہے جس میں سے 400 منڈیوں کا مارچ 2017 تک ای۔ نیم پلیٹ فارم سے جوڑا جائے گا۔