نئی دہلی، مواصلات کے وزیر جناب منوج سنہا نے کہا ہے کہ سووچھتامہم کو ہمیشہ بڑی تقویت ملتی ہے جب ڈاک ، ٹیلی کام اور اسکے پی ایس یو (سرکاری شعبے کی کمپنیاں) جیسے بڑے محکمے نہ صرف اپنے دفاتر ، اپنے احاطوں اور کالونیوں میں بلکہ شرم دان اور شجر کاری جیسی سرگرمیوں کے توسط سے سماج اور کمیونٹی کے اشتراک سے سبز اور صاف ستھرے ہندستان کے لئے صفائی ستھرائی کی بڑی مہم چلاتے ہیں۔ وزارت مواصلات میں یکم جولائی سے 15 جولائی تک سووچھتا پکھواڑے کے اہتمام کے بارے میں میڈیا کو معلومات فراہم کرتے ہوئے انہوں نے کہا کہ اتنے بڑے پیمانے پر چلائی جانے والی مہم ملک کے دور دراز علاقوں میں صفائی ستھرائی کی اہمیت کے تئیں بیداری پیدا کرنے میں اہم رول ادا کرتی ہے کیونکہ محکمہ ڈاک اور بی ایس این ایل اے نیٹ ورک کی رسائی ملک کے گوشے گوشے میں ہے۔ وزیر موصوف نے اس امید کا اظہار کیا کہ اس وسیع اور بڑے پیمانے پر چلائی گئی ملک گیر مہم کے نتیجے میں شہریوں تک صفائی ستھرائی سے متعلق اہم پیغام گیا ہے اور وہ پورے سال اس اچھے کام کا سلسلہ جاری رکھیں گے۔ جناب سنہا نے کہا کہ وزیراعظم نے 2 اکتوبر 2014 کو سووچھ بھارت مشن کا آغاز کیا تھا جس کا مقصد 2 اکتوبر 2019 تک ہندستان کو صاف ستھرا اور کھلے میں رفع حاجت سے پاک بنانا ہے۔ قابل ذکر ہے کہ 2019 مہاتما گاندھی کی 150 ویں سالگرہ کا سال بھی ہے۔
پکھواڑے کے دوران انجام دی گئی سرگرمیوں کی تفصیلات بتاتے ہوئے وزیر موصوف نے مطلع کیا کہ ڈاک اور ٹیلی مواصلات کے محکموں اور ان کے تحت کام کرنے والی سرکاری شعبے کی کمپنیوں جیسے بھارت سنچار نگم لمیٹیڈ (بی ایس این ایل) مہانگر ٹیلی فون لمیٹیڈ (ایم ٹی این ایل) انڈین ٹیلی فون انڈسٹریز لمٹیڈ (آئی ٹی آئی لمیٹیڈ)، ٹیلی کام کنسلٹینس انڈیا لمیٹیڈ( ٹی سی آئی ایل) ، سینٹر فار ڈیولپمنٹ (سی –ڈی او ٹی) اور ٹیلی کام ریگولیٹری اتھارٹی آف انڈیا ( ٹی آر اےآئی) نے سووچھتا مہم میں سرگرمی کے ساتھ حصہ لیا اور نہ صرف اپنے دفتری احاطوں بلکہ اپنے احاطوں سے باہر عمومی جگہوں پر بھی صفائی ستھرائی سے متعلق سرگرمیاں انجام دیں۔ صفائی ستھرائی کی اس مہم میں آفس چیمبروں ، سازوسامان ، لائبریری اور کینٹین ، گلیاروں ، بیت الخلا وغیرہ کی صفائی کے ساتھ ساتھ ای-کچرا وغیرہ جیسے دیگر سازوسامان کے نپٹارے پر بھی توجہ مبذول کی گئی۔ سبھی افسروں اور اسٹاف کی شمولیت کے نتیجے میں صفائی ستھرائی کے معیار میں قابل ذکر اضافہ ہوا اور یہ سلسلہ جاری رہنا چاہئے۔
ٹیلی مواصلات کے محکمے (صدر دفتر) میں دفتری احاطے کے اندر اور باہر صفائی ستھرائی سے متعلق سرگرمیاں انجام دی گئیں۔ مزید برآں سنچار بھون کے سامنے واقع اشوکا روڈ اسٹریچ کی بھی صفائی کی گئی۔ پکھواڑے کے دوران ای-کچرا (فوٹو کوپیئر، کمپیوٹرس، پرنٹرز، فیکس مشینوں، ٹی وی ) وغیرہ کی نیلامی اور نپٹارہ کیا گیا۔ عمارتوں کے احاطے سے کچرے کے نپٹارے کے لئے مزید نیلامیاں کی جانی ہیں ۔ صفائی ستھرائی کے تئیں اہل کاروں کو حساس بنانے کے لئے متعدد مقامات پر بینر /پوسٹر اویزاں کئے گئے۔ قوم کی تعمیر میں صفائی ستھرائی کا رول کے موضوع پر ایک مضمون نویسی مسابقہ کا انعقاد بھی کیا گیا جس کا مقصد اسٹاف ممبروں کو صفائی سھترائی کے بارے میں سوچنے کے لئے راغب کرنا تھا۔
بی ایس این ایل اور ایم ٹی این ایل میں اپنے دفتری احاطوں نیز سازوسامان ، ٹیلی فون ایکسچنجوں ، ملٹی ڈسٹریبیوشن فریمس (ایم ڈی ایف) کسٹمر سروسیز سینٹر، سنچار ہاٹوں ، انسپیشکن کواٹروں ، رہائشی کالونیوں، اپنی دفتری احاطوں کے نزدیک واقع عوامی مقامات کی صفائی کا اہتمام کیا۔ ٹیلی فون ایکسچنجوں میں ناقابل استعمال دفتری سازوسامان / فرنیچر وغیرہ کے نپٹارے کا کام بھی کیا گیا۔ پکھواڑے کے دوران خاص طور پر دیہی علاقوں میں ڈاک خانوں او ر لیٹر باکسوں کا سووچھتا سے متعلق پیغام بھی اویزاں کئے گئے ۔
