نئی دہلی، مرکزی وزیر داخلہ جناب امت شاہ نے آج یہاں ریپکو بینک کے
نمائندوں سے 15.26 کروڑ روپے کے منافع کا چیک وصول کیا۔
ریپکو بینک ایک کثیر ریاستی امداد باہمی کی سوسائٹی ہے جسے حکومت ہند نے 1969 میں برما اور سری لنکا سے آنے والوں کی باز آبادکاری کے لئے قائم کیا تھا اور یہ وزارت داخلہ کے انتظامی کنٹرول کے تحت آتا ہے۔
31 مارچ 2019 کو اس بینک میں حکومت ہند کے 49.15 فیصد شیئر تھے جبکہ 4 جنوبی ریاستی حکومتوں کی حصہ داری 6.24 فیصد ہے اور باقی 45 فیصد شیئر انفرادی تحویل میں ہیں۔
پچھلے مالی سال 19-2018 کے دوران بینک کا کُل کاروبار 15230 کروڑ روپے تھا ۔ بینک نے کُل منافع 107 کروڑ روپے دکھایا تھا اور اپنے شیئر ہولڈرس کے لئے 20 فیصد منافع کا اعلان کیا تھا۔ ریپکو بینک کے چیئرمین ڈاکٹر پی سینتھل کمار ، مینجنگ ڈائریکٹر محترمہ آر ایس ازابیلا نے وزارت داخلہ میں مجاہدین آزادی اور باز آبادکاری کے ڈیویژن کے جوائنٹ سکریٹری جناب کرشنا بہادر سنگھ کی موجودگی میں مالی سال 19-2018 کے لئے منافع کا چیک وزیر داخلہ جناب امت شاہ کو پیش کیا۔
