نئی دلّی ، محنت اور روز گار کے مرکزی وزیر مملکت ( آزدانہ چارج ) جناب سنتوش کمار گنگوار نے آج گواہاٹی میں معذور لوگوں کے لئے نیشنل کیریئر سروس سینٹر کی عمارت کا افتتاح کیا ۔ یہ عمارت معذور لوگوں کی آسانی کا خیال رکھتے ہوئے تعمیر کی گئی ہے ۔ مرکزی وزیر نے مختلف سطحوں پر مزدوروں کی بھلائی کے مقصد سے شمال مشرقی خطے میں وزارت کے اثر کو وسعت دینے کی خواہش کا اظہار کیا ۔
جناب گنگوار نے اس بات کو دوہرایا کہ نیشنل کیریئر سروس سینٹر کی عمارت معذوروں کی زندگی میں مثبت تبدیلیاں لانے کے علاوہ اس ماڈل کی تقلید کرنے کے لئے دیگر لوگوں کے لئے ایک تحریک کا باعث ہو گی ۔ انہوں نے عمارت کی تعمیر میں ریاستی سرکار کے تعاون کی بھی تعریف کی ۔
گواہاٹی میں یہ عمارت 10.40 کروڑ روپئے کی لاگت سے تیار کی گئی ہے ۔ آسام کی حکومت نے اس عمارت کی تعمیر کے لئے زمین فراہم کی تھی ۔ جدید طرز پر بنائی گئی عمارت آسام میں اپنے قسم کی ایک مثالی عمارت ہے اور معذوروں کے لئے بنائی گئی یہ عمارت ، 8 عمارتوں میں سے ایک ہے ۔
