نئی دہلی،،صدرجمہوریہ ہند جناب رام ناتھ کووند نے دیوالی سے قبل اپنے ہموطنوں کو دیوالی کی مبارکباد دی ہے ۔ اپنے پیغام میں صدرجمہوریہ نے کہا ہے کہ دیوالی کی خوشی اور مسرت کے موقع پر میں تمام ہم وطنوں کو مبارکباد اور نیک خواہشات پیش کرتا ہوں۔
دیوالی کا تہوار اندھیرے پر روشنی، برائی پر اچھائی اور بے انصافی پر انصاف کی جیت کا تیوہار ہے۔ اس موقع پر آئیے ہم خوشی اور خوشحالی کے ساتھ سبھی کی زندگی کو روشن کرنے اور محبت اور بھائی چارے کی روشنی پھیلانے کی کوششوں کا آغاز کریں گے۔ اس کیلئے ہم اپنی خوشیاں ضرورت مندوں کے ساتھ بانٹیں۔ آئیے ہم ایک پُرسکون اور آلودگی سے پاک طریقے سے دیوالی منانے کا عہد کریں اور قوم اور سماج کو ایک صحت مند، خوشحال اور حساس قوم بنائیں۔
