نئیدہلی؛ ہندوستانی حکومت نے این سی ای آر ٹی کے سابق ڈائریکٹر پروفیسر جے ایس راج پور کو یونیسکو کے ایگزیکٹیو بورڈ میں ہندوستان کے نمائندہ کے طور پر نامزد کرنے کا فیصلہ لیا ہے۔ پروفیسر جے ایس راج پور ایک نامور ماہر تعلیم ہیں جنہیں مختلف شعبوں میں کام کرنے، جس میں یونیسکو بھی شامل ہے، کا وسیع تجربہ ہے۔ انسانی وسائل کی ترقی کے مرکزی وزیر جناب پرکاش جاوڈیکر نے 30 اکتوبر سے 4 نومبر 2017 کے دوران یونیسکو کے عام اجلاس میں حصہ لینے کے دوران یونیسکو کے ایگزیکٹیو بورڈ میں ہندوستان کی ممبرشپ کے لیے دیگر ممالک کے وزیروں سے ملاقات کر ان کا تعاون مانگا تھا۔
ایگزیکٹیو بورڈ میں 58 سیٹیں ہوتی ہیں اور وقت 4 سال کا ہوتا ہے۔ ایگزیکٹیو بورڈ یونیسکو کا ایک آئینی حصہ ہے جسے عام اجلاس کے ذریعے منتخب کیا جاتا ہے۔ بورڈ تنظیم کے کام اور اس سے جڑے بجٹ کے اندازے کا جائزہ لیتا ہے۔ اصل طور پر ایگزیکٹیو بورڈ یونیسکو کی سبھی پالیسیوں اورپروگراموں کے لیے جوابدہ اہم ترین ادارہ ہے۔
