نئی دہلی، گورنروں اور لیفٹننٹ گورنروں کی دو روزہ کانفرنس آج (4 جون 2018) راشٹرپتی بھون میں صدر جمہوریہ ہند جناب رام ناتھ کووند کی افتتاحی تقریب کے ساتھ شروع ہوئی۔ راشٹرپتی بھون میں منعقد ہونے والی یہ ایسی 49ویں اور صدر کووند کی زیر صدارت ہونے والی دوسری کانفرنس ہے۔
اپنی افتتاحی تقریر میں صد ر جمہوریہ نے کہا کہ آئین کے مطابق گورنر کے عہدہ کو حکمرانی کی اسکیم میں ایک باوقار مقام حاصل ہے۔ گورنر ریاستی حکومت کا سرپرست اور رہنما نیز وفاقی ڈھانچے میں رابطے کی ایک اہم کڑی ہے۔ ریاست کے عوام گورنر کے دفتر اور راج بھون کو آدرشوں او ر قدروں کے چشمے کی شکل میں دیکھتے ہیں۔
صدر جمہوریہ نے کہا کہ ہمارے ملک کی تقریباً سو ملین آبادی کا تعلق درج فہر ست قبائل سے ہے۔ اس آبادی کی ایک بڑی اکثریت ایسے خطوں میں زندگی گزارتی ہے جو آئین ہند کے پانچویں اور چھٹے شیڈیول کے تحت آتے ہیں۔ گورنر ہمارے ان شہریوں کی زندگی کو بہتر بنانے کے لئے ایک لائحہ عمل ترتیب دینےمیں مدد کرسکتے ہیں جنہیں ہمارے ترقی کے سفر سے ا س طرح کا فائدہ نہیں ہوا ہے جیسی کہ توقع تھی۔
صدر جمہوریہ نے کہا کہ ہمارے ملک کی 69 فی صد یونیورسٹیاں ریاستی حکومتوں کے دائرہ اختیار میں آتی ہیں۔ اعلی تعلیم کے حصول کے لئے داخلہ کرانے والے 94 فی صد طلبا ان یونیورسٹیوں میں تعلیم حاصل کرتے ہیں ۔ ان میں سے زیادہ تر یونیورسٹیوں کے چانسلر گورنر ہیں۔ ریاستی یونیورسٹیوں کے چانسلر کی حیثیت سے یہ ان کی ذمہ داری ہے کہ وہ ان تعلیمی اداروں کو ضروری رفتار اور تحریک دلانےاور اسکالر شپ کی سطح کو بڑھانے کا کام کریں۔ اپنے دفتری ذرائع اور عوامی زندگی میں اپنے طویل تجربے کی بدولت گورنر حضرات اس ذمہ داری کو نبھانے کے لئے مثالی طور پر اہل ہیں۔
صدرجمہوریہ نےکہا کہ گورنر اس کام کو یقینی بنا نے میں مدد کرسکتے ہیں کہ ریاستی یونیورسٹیوں میں طلبا کے داخلے اور اساتذہ کی تقرریاں وقت پر اور شفاف طریقے سے ہو۔ گورنر اس کام کو بھی یقینی بنانے میں مدد کرسکتے ہیں کہ امتحانات ، نتائج کا اعلان اور جلسہ تقیسم اسناد وقت پر منعقد ہوں۔ یہ ان کی ذمہ داری ہے کہ وہ ریاستی یونیورسٹی کو ، نظم و ضبط اور وقار کو برقراررکھنے کی ترغیب دلائیں۔
اس دو روزہ کانفرنس کے دوران متعدد اجلاس میں اہم موضوعاتی امور پر تبادلہ خیال ہوگا۔ جن میں حکومت ہند کے اہم پروگراموں اور داخلی سلامتی سے متعلق جانکاری دستیاب کرانا اوراس سے متعلق پرزینٹیشن ، ریاستی یونیورسٹیوں میں اعلی تعلیم اور حصول روزگار سے متعلق ہنر مندی کا فروغ ، گورنروں کی 48 ویں کانفرنس کے دوران تشکیل دی گئی گورنروں کی کمیٹی کی رپورٹ پر کئے گئے اقدامات اور مہاتما گاندھی کی 150 یوم پیدائش سے متعلق یاد یں شامل ہیں۔مرکزکے زیر انتظام علاقوں سےمتعلق ایک خصوصی اجلاس بھی 5 جون 2018 کو ہوگا جس میں لفٹننٹ گورنروں / مرکز کے زیرانتظام علاقوں کے ایڈمنسٹریٹر متعدد اہم پروگراموں کے نفاذ کی صورتحال پر تبادلہ خیال کریں گے۔
سبھی ریاستوں اور مرکز کے زیرانتظام علاقوں کے گورنروں اور لفٹننٹ گورنروں کے علاوہ نائب صدر جمہوریہ ، وزیراعظم ، مرکزی وزیر داخلہ ، وزیر خارجہ ، فروغ انسانی وسائل کے وزیر ، فروغ ہنر مندی اور صنعت سازی کے وزیر ، وزارت ثقافت کے وزیر مملکت (آزادانہ چارج) نیتی آیوگ کے نائب چیئرمین اور سی ای او اور متعدد وزارتوں کے دیگر سینئر اہلکار اس کانفرنس میں شرکت کررہے ہیں۔
1۔راشٹر پتی بھون میں منعقدہ اس کانفرنس میں آپ کا تہہ دل سے خیر مقدم ہے۔ اس کانفرنس میں پہلی بار شامل ہونے والی مدھیہ پردیش کی گورنر محترمہ آنندی بین پٹیل ، اڈیشہ کے گورنر پروفیسر گنیشی لال اور میزورم کے گورنر جناب کے راج شیکھرن کا خاص طور پر خیر مقدم ہے۔
2۔عام طور پر یہ کانفرنس ہر سال کے آغاز میں منعقد ہوتی ہے۔ لیکن کچھ ناگزیر اسباب سے سال 2017 کی کانفرنس اکتوبر ماہ میں منعقدہ ہوپائی تھی ۔ اس کے 7 ماہ کے بعد سال 2018 کی اس کانفرنس کا انعقاد ہورہا ہے۔ ایسی کانفرنس میں آپ سبھی گورنروں اور لیفٹننٹ گورنروں کو نائب صدر جمہوریہ ، وزیراعظم ، وزیرداخلہ ، کابینہ کے دیگر اراکین ، نیتی آیوگ کے نائب صدر اور حکومت کے سینئر ترین افسروں کے ساتھ صلاح و مشورہ کرنے کا اچھا موقع حاصل ہوتا ہے۔ اس موقع کا استعمال کرتے ہوئے ہم کچھ اہم موضوعات پر باہمی تبادلۂ خیال کرتے ہوئے ان شعبوں میں مستقبل کی سمت طے کرسکیں گے۔ اس تناظر میں گورنروں کی کانفرنس کی اپنی خاص اہمیت ہے۔
3۔ گورنر کے آئینی عہدہ کا ایک خاص وقار ہوتا ہے۔ ریاستی حکومت کی رہنمائی اور ہمارے وفاقی ڈھانچہ کی ایک اہم کڑی کی شکل میں گورنر مسلسل اپنا کام دیتے ہیں۔ ریاست کے عوام گورنروں کو آدرشوں اور اقدار کے محافظ کی شکل میں دیکھتے ہیں۔
4۔ گزشتہ کانفرنس میں ‘انفراسٹکچر’، ‘پبلک سروسز’ اور ‘ہائر ایجوکیشن ’ ان اسٹیٹ اینڈ اسکل ڈیولپمنٹ ، سے متعلق موضوعات پر صلاح و مشورہ ہو ا تھا۔ آپ سبھی سے ان موضوعات پر اچھے مشورے ملے تھے۔
5۔ گزشتہ کانفرنس میں لئے گئے فیصلے کے مطابق تشکیل دی گئی گورنروں کی کمیٹی نے اپنی رپورٹ جنوری 2018 میں پیش کردی تھی۔ اس رپورٹ میں گورنروں کے رول کو سماج میں چینج ایجنٹ یعنی تبدیلی کے نقیب کی شکل میں پیش کیا گیا ہے۔ آج چوتھے اجلاس میں رپورٹ کے مطابق کی گئی کارروائی پربھی تبادلہ خیال کیا جائے گا۔
6۔ اس سال کی کانفرنس کا ایجنڈہ طے کرتے وقت اس بات پر توجہ مرکوز کی گئی تھی کہ ترقی کے سفر میں پیچھے رہ گئے اہل وطن کے مفاد میں نافذ کی جارہی اسکیموں کی مکمل جانکاری آپ سبھی کو ملے اور ان پر تفصیل سے تبادلہ خیال ہو۔ مختلف ریاستوں میں جن 115 ایسپیریشنل اضلاع میں تیز رفتاری سے ترقیات کام کرنے کا عہد کیا گیا ہے اس کے نفاذ کے بارے میں آپ سب کو مکمل جانکاری ملے۔ غریبوں ، خواتین ، درج فہرست ذاتوں اور درج فہرست قبائل ، نوجوانوں اور کسانوں کی فلاح و بہبود کے لئے سبھی متعلقین کی رہنمائی کرنےمیں یہ جانکاری آپ سب کے لئے بہت مفید ثابت ہوگی۔ ہمارے ملک میں درج فہرست قبائل کی تقریباً دس کروڑ کی آبادی کا ایک بڑا حصہ ، ہندستان کے آئین کے پانچویں اور چھٹے شیڈیول کے تحت آنے والے علاقوں میں ہوتا ہے۔ ترقی کے نقطہ نظر سے نسبتاً پیچھے رہ گئے ان لوگوں کی زندگی کو بہتر بنانے میں آپ سب بہتر رہنمائی کا کام کرسکتے ہیں۔
7۔ ہندستان ، دنیا کی سب سے بڑی نوجوانوں کی آبادی والا ملک ہے۔ نوجوانوں کی زندگی میں اخلاقی اقدار جاگزیں کرنے اور انہیں مناسب تعلیم کے لئے رقبت دلانے کے لئے آپ سبھی معنوں میں ان کے گارجین ہیں۔ آپ انہیں ایسے کردار کی تعمیر کے لئے ترغیب دے سکتے ہیں جس کی بدولت وہ ہندستانی اقدار کے تئیں مسلسل حساس بنے رہیں۔
8۔اعلی تعلیم کے تناظر میں گورنروں کی سابقہ کانفرنس میں یہ حقیقت سامنے آئی تھی کہ ہمارے ملک کی 69 فی صد یونیورسٹیاں ریاستی حکومت کے زیر کنٹرول چل رہی ہیں جن میں 94 فی صد طلبا تعلیم حاصل کررہے ہیں۔ ان میں سے زیادہ تر یونیورسٹیوں کے آپ چانسلر ہیں۔ اپنے عہدے، حقوق اور تجربے کا استعمال کرتے ہوئے آپ سب تعلیم کی سطح کو بہتر بنانے کے لئے رہنمائی اور ترغیب دلاسکتے ہیں۔ آپ سبھی یہ یقینی بنا سکتے ہیں کہ ریاستوں کی یونیورسٹیوں میں وقت پر اور شفاف طریقے سے طلبا کے داخلے اور اساتذہ کی تقرریاں ہوں۔ساتھ ہی امتحانات اور نتائج کا اعلان اور جلسہ تقسیم اسناد کی تقریب مقررہ وقت پر منعقد ہو۔ تیزی سے بدلتے ہوئے عالمی منظر نامے میں تعلیم کی معنویت برقرار رکھنے کے لئے وقتاً فوقتاً نصاب تعلیم میں تبدیلی اور اصلاح کرتے رہنا بھی ضروری ہے۔ نوجوانوں کے ساتھ مذاکرات قائم کرکے، آپ سبھی انہیں سماج پر ملک کے مفاد میں اپنی تعلیم بہتر استعمال کرنے کےلئے رغبت دلاسکتے ہیں۔ ملک کی آئندہ نسلوں کی تعمیر کرنے کرنے کے لئے ہم سب کے مسلسل کوشش کرتے رہنا ہے۔
9۔ حکومت ہند نے 2 اکتوبر 2018 سے شروع کرکے 24 مہینوں تک مہاتما گاندھی کی 150ویں جینتی (یوم پیدائش) منانے کا فیصلہ کیا ہے اور اسکے لئے صدر جمہوریہ کی صدارت میں ایک قومی کمیٹی کی تشکیل کی گئی ہے۔ گزشتہ 2 مئی 2018 کو اس کمیٹی کی پہلی میٹنگ اسی احاطہ میں منعقد کی گئی۔ اس میٹنگ میں متعدد بہتر مشورے حاصل ہوئے۔ اس موضوع پر بھی کل اس کانفرنس میں تبادلہ خیال کیا جائے گا۔ گاندھی جی کی یاد سے وابستہ تقریبات کی اپنی اہمیت ۔ جیسا کہ ہم سبھی جانتے ہیں ، گاندھی جی تعمیری کاموں میں یقین رکھتے تھے لہذا بامعنی سماجی تبدیلی کے لئے کام کرنا ہی ان کی یاد کو سنبھال کر رکھنے کا سب سے اچھا طریقہ ہے۔ گاندھی جی نے کسی بھی کام کے آغاز میں ہونے والے ہونے والے پس و پیش کو دور کرنے کے لئے ایک واضح حل کی طرف رہنمائی کی تھی۔ ان کے مطابق سب سے کمزور اور غریب شخص کی زندگی اور مقدر کو سنوارنے کا مقصد بھی کسی بھی کام کے مناسب ہونے کی کسوٹی ہے۔ اس تناظر میں گاندھی جی کے آدرشوں اور اقدار کو عملی شکل دینے کے لئے آپ سبھی کے مشوروں کا خیر مقدم ہے۔
10۔ گورنروں کی اس کانفرنس میں نائب صدر جمہوریہ اور وزیراعظم ، وزیر داخلہ اور ان کے سینئر معاون اپنی موجودگی اور تعاون سے یہاں ہوے والی گفتگو کو اور زیادہ معنویت بخشیں گے۔ آپ سبھی گورنروں کا سماجی زندگی میں طویل تجربہ رہا ہے۔ مجھے یقین ہے کہ اس کانفرنس کے دوران آپ سب کے اہم مشورے حاصل ہوں گے۔ اس کانفرنس میں جہاں صلاح و مشورہ ہوگا اس سے حساسیت ، ہم آہنگی اور شمولیت پر مبنی ایک اچھے سماج کی تعمیر میں ملے گی۔
11۔ ان الفاظ کے ساتھ میں 2018 کی گورنروں کی اس کانفرنس کا آغاز کرتا ہوں۔ اب وزیر داخلہ سے مجھے درخواست ہے کہ وہ کانفرنس کی کارروائی کو آگے بڑھائیں۔
