نئیدہلی: آئی ٹی ایس کے تربیتی بیڑے کے بحری جہاز آئی این ایس ترنگنی ، آئی این ایس سجاتا ، آئی این ایس شاردل اور آئی سی جی ایس سارتھی 6 اپریل 2019 کوسیشلز کی بندرگاہ پورٹ وکٹوریہ پہنچے ۔ ترنگنی کوچی سے یہاں پہنچا، جبکہ دیگر تین جہاز موزمبیق میں آنےوالے شدیدتباہ کار سمندری طوفان میں آپریشن سہائتا راحت اور بچاؤ مشن کی خدمات انجام دینے اور انسانی امداد فراہم کرنے کے بعد موزمبیق کی بندرگاہ پورٹ بیئرا سے یہاں پہنچے تھے۔ مہمان بحری جہازوں کا پورٹ وکٹوریہ پہنچنے پر انتہائی گرم جوش خیر مقدم کیا گیا اور بحری ہتاشی کمانڈر ورون پانیکر نے اپنے عملے کے ساتھ ان جہازوں کا خیر مقدم کیا ۔ان جہازوں کے پہنچنے پر آئی این ایس سجاتا میں موجود بحریہ کے خصوصی بینڈ نے بعض مقبول طرزیں بجائیں ۔ ان جہازوں کے جہاں پہنچنے کے فوراََ بعد ایک انتظامی اجلاس کا اہتمام کیا گیا ۔ اس اجلا س کا اہتما م آئی این ایس سجاتا میں موجود بحریہ کے این اے کے ذریعہ کیا گیا۔
7 اپریل 2019 کوآئی ٹی ایس کے بحری جہازوں پر یوگا کی مشقوںکا مظاہرہ کیا گیا ،جس میں ہائی کمیشن کےعملے نے شرکت کی ۔ بعدازاں زیر بحری تربیت افسران کی قیادت میں مون بلینک ٹریل ٹرائس فئیرز ٹریل کے ٹریک بجائے گئے ۔ ان جہازوں میں داخلے پر کوئی پابندی نہیں تھی اور سبھی کے لئے داخلے کی اجازت تھی ، جن میں سیشلز کی بحری اکیڈمی کے ڈیک کیڈٹ بھی شامل تھے۔
8 اپریل 2019 کو آئی ٹی ایس کے سینئیر آفیسر کیپٹن ورن سنگھ نے دیگر کمانڈنگ افسران کے ساتھ امور خارجہ کے سکریٹری آف اسٹیٹ اور سفیر عزت مآب جناب بیری فارے ، ہائی کمشنر متعینہ ہند عزت مآب ڈاکٹر اوصاف سعید ، ایس پی ڈی ایف کے ڈیفینس فورسز کے چیف کرنل کلی فورڈ روز لن اور سیشلز کوسٹ گارڈس کے کمانڈر کرنل سائمن ڈائن سے ملاقات کی ۔ ان تمام ملاقاتوں میں ان جہازوں کے عملے کے ذریعہ موزمبیق میں آپریشن ہدر کے نام سے موسوم راحت اور بچاؤ کے انجام دئے گئے کاموں کی زبردست ستائش کی گئی ۔علاوہ ازیں زیر بحری تربیت افسران نے بوٹینیکل گارڈن سیشلز ، میری ٹائم اکیڈمی اور سیشلز کے کوسٹ گارڈ بیس کا بھی دورہ کیا ۔ مزید برآں سیشلز کوسٹ گارڈ کے سیلرز نے آتشزدگی کے حالات میں بچاؤ اور نقصانات پر قابو پانے کی تربیت حاصل کرنے کے لئے آئی این ایس شاردل کا بھی سفر کیا ۔8 اپریل 2019 کی شام کو آئی این ایس سجاتا اور آئی سی جی ایس سارتھی پر ایک تقریب استقبالیہ کا اہتمام کیا گیا۔ جس میں عزت مآب ڈاکٹر اوصاف سعید سفیر بحری فارے کرنال کلی فورڈ روزلن سفیر جاپان ، جناب مکوٹو ٹومی ناگا ہائی کمشنر برطانیہ جناب کیرن روزلز اور اپوزیشن لیڈروں نے اس شاندار تقریب میں دیگر سرکردہ افراد کے ساتھ شرکت کی ۔
یہی نہیں بلکہ فورس کمانڈر ایونافور ( ای یو این اے وی ایف اوآر ) ریئر ایڈمرل ریکارڈو اے ہرنانڈیز لوپز ،اطالوی بحریہ کے کیپٹن مسّی ملیانو نے اسپین کے بحری جہاز نوارا پر سفر کیا ۔اس تقریب استقبالیہ میں اسپین کے جہاز کے کمانڈنگ آفیسر اورایگزیکٹو آفیسر نے بھی شرکت کی ۔ اس تقریب استقبالیہ میں کیپٹن ورن سنگھ نے خطبہ استقبالیہ پیش کیا ۔ بعد ازاں سفیر محترم جناب بیری فارے نے ایک انتہائی مدلل اور سلجھی ہوئی تقریر ،جس میں ہندوستان اور سیشلز کے قریبی باہمی مراسم کی تفصیل بیا ن کی گئی ۔
9 اپریل کی شام کو سیشلز ڈانس اکیڈمی کے فنکاروں نے انٹر نیشنل کنونشن سینٹر آف سیشلز میں آئی سی سی آر فاؤنڈیشن ڈے پروگرام کے سلسلے میں ایک دس منٹ کا ڈانس کا پرگرام پیش کیا ۔بعد ازاں بحریہ کے بینڈ نے موسیقی کی طرزیں بجائیں ۔
واضح ہوکہ پہلا تربیتی بیڑا ’سمبند ھ‘ کے عنوان سے موسوم اپنی بیرون ملک تعیناتی کے آخری مرحلے میں ہیں ۔10 اپریل کو یہ تربیتی بیڑا کوچی کے لئے روانہ ہوگا ۔ اپنی تعیناتی کے پہلے مرحلے میں ان جہازوں نے بھیانک سمندری طوفان کی تبا ہ کاریوں سے دوچار موزمبیق میں راحت اور بچاؤ کے کاموں کے لئے پورٹ بئیرا روانگی سے قبل ماریشس کے پورٹ لوئس کا بھی دورہ کیا۔
