نئی دہلی، آبی وسائل ، دریائی ترقیات اور گنگا احیاء کی وزارت نے گذشتہ ہفتے کے دوران ، پردھان منتری کرشی سینچائی یوجنا ( پی ایم کے ایس وائی ) کے تحت ، 9 ترجیحاتی پروجیکٹوں کے لئے ، 246.9 کروڑ روپئے اور تیز رفتار آبپاشی فوائد پروگرام ( اے آئی بی پی ) کام کاج کے لئے 17 پروجیکٹوں کے سلسلے میں کمانڈ ایریا ڈیولپمنٹ ( سی اے ڈی ) کی فراہمی کے لئے 487.80 کروڑروپئے کی رقم جاری کی ہے ۔
18-2017 ء کے دوران ، اب تک ، اے آئی بی پی کے تحت 26 ترجیحاتی پروجیکٹوں کے لئے ، 1152.52 کروڑ روپئے کی رقم سی اے یعنی مرکزی امداد کے طور پر جاری کی جاچکی ہے ۔ اس کے علاوہ ، 3318.85 کرو ڑروپئے کی رقم اے آئی بی پی کے تحت 24 ترجیحاتی پروجیکٹوں کے لئے نبارڈ کے حصے کے طور پر ریاست کے ذریعے جاری کی گئی ہے ۔ 22 ترجیحاتی پروجیکٹوں کے لئے 524.90 کرو ڑروپئے کی رقم بطور مرکزی امداد اور 71.52 کروڑ روپئے کی رقم ریاستی حصے کے طور پر ، نبارڈ کے توسط سے جاری کی گئی ہے ۔
اس طریقے سے طویل المدت آبپاشی فنڈ ( ایل ٹی آئی ایف ) کے تحت 18-2017 ء کے دوران اب تک ، نبارڈ کے توسط سے 6047.15 کروڑ روپئے کی رقم مجموعی شکل میں جاری کی جا چکی ہے ۔
اس کے علاوہ ، پی ایم کے ایس وائی – ہر کھیت کو پانی ( ایچ کے کے پی ) ، جس کا تعلق سطح زمین پر چھوٹی آبپاشی ( ایس این آئی ) اور مختلف ریاستوں کے لئے مرمت ، جدید کاری اور احیاء ( آر آر آر ) اسکیموں سے ہے ، کے تحت 436 کروڑ روپئے کی رقم جاری کی جا چکی ہے ۔
