نئی دہلی سنگا پور کے نائب وزیر اعظم جناب تھرمن شانموگراتنم نے آج وزیر اعظم جناب نریندر مودی سے ملاقات کی ۔
اس موقع پر وزیر اعظم نے اکتوبر 2016 میں سنگا پور کے وزیر اعظم لی سین لونگ کے کامیاب دورۂ ہند کا ذکر کیا اور اس کے بعد چوٹی کانفرنس میں لیے گئے فیصلوں پر دونوں ملکوں کی سرگرمیوں کی تعریف کی ۔
جناب تھرمن شانموگراتنم نے جی ایس ٹی کے کامیاب آغاز کے لیے وزیر اعظم کو مبارکباد پیش کی ۔ انہوں نے وزیر اعظم کو دوطرفہ تعلقات خاص طور پر معیشت کے شعبہ میں ترقی سے متعلق آگاہ کرایا ۔
وزیر اعظم نے سرمایہ کاری ، شہری ترقی ،شہری ہوابازی اور ہنرمندی کے فروغ جیسے شعبوں میں گہرے باہمی تعاون کی ستائش کی ۔
دونوں رہنماؤں بینک کاری ، ڈیجیٹل فینانس ، سیاحت اور اختراعات میں دو طرفہ تعاون کے امکانات پر بھی بات چیت کی ۔
