نئی دہلی، قوم کے نام اپنے ماہانہ خطاب ”من کی بات” میں وزیراعظم جناب نریندر مودی نے آج چنڈی گڑھ کے خوانچہ فروش(چھولے بھٹورے کی ریڑھی لگانے والے) سنجے رانا کی اس انوکھی اور منفرد کی تعریف کی جس میں وہ دوسروں کو کووڈ-19کے خلاف ٹیکہ لگوانے کی ترغیب دیتے ہیں اور پھر انہیں مفت میں چھولے بھٹورے کھلاتے ہیں۔ اپنے خطاب میں وزیراعظم نے کہا کہ ان کی بیٹی اور بھتیجی کی تجویز پر کھانے کا اسٹال لگانے والے سنجے رانا نے ان لوگوں کو مفت میں چھولے بھٹورے کھلانا شروع کیا جنہوں نے کووڈ-19 سے محفوظ رہنے کے لیے ٹیکے لگوائے ہیں۔
وزیراعظم نے بتایا کہ چھولے بھٹورے کا اسٹال لگانے والے سنجے، چنڈی گڑھ کے سیکٹر -29 میں سائکل پر چھولے بھٹورے فروخت کرتے ہیں۔اور سنجے رانا کے چھولے بھٹورے مفت میں کھانے کے لیے آپ کو دکھانا پڑے گا کہ آپ نے اسی دن ٹیکہ لگوایا ہے۔ وزیراعظم نے اس کوشش کی ستائش کی اور کہا کہ یہ عمل ظاہر کرتا ہے کہ معاشرے کی بھلائی کے لیے پیسے سے زیادہ خدمت اور فرض کا جذبہ زیادہ ضروری ہے۔
