نئیدہلی؛ وزیر اعظم جناب نریندر مودی اتوار کو دلی اور قومی راجدھانی خطے میں نوتعمیر شدہ دو ایکسپریس وے ملک کو وقف کریں گے۔ ان میں سے پہلا چودہ لین اور رسائی کنٹرول والا دلی-میرٹھ ایکسپریس وے کا پہلا پیکج جو کہ نظام الدین پل سے دلی اتر پردیش سرحد تک پھیلا ہوا ہے ملک کو وقف کیا جائے گا۔ 8 اعشاریہ تین چھ صفر کلومیٹر کی قومی شاہراہ رکارڈ 18 مہینوں میں مکمل ہوئی ہے جبکہ اس کی تعمیر کا 30 مہینے کا وقت مقرر کیا گیا تھا۔ اس پر 841اعشاریہ پانچ صفر کروڑ روپے کی لاگت آئی ہے۔ اس میں چھ لین والا ایکسپریس وے اور 4+4 سروس لین جیسے نظام الدین پل سے اتر پردیش سرحد تک پھیلا ہوا ہے 14 لین والی سہولیات پر مشتمل ہے۔ یہ ملک کی 14 گلیاروں والی پہلی شاہراہ ہے جس کی متعدد خصوصیات ہیں۔ ان سے آلودگی کم کرنے میں مدد ملے گی۔ ان میں 2.5 میٹر چوڑا سائیکل ٹریک دونوں طرف ہے۔ جمنا پل پر عمودی باغ، شمسی توانائی والی روشنی کا نظام اور نالی کے ذریعے آبپاشی کا نظام شامل ہے۔ اس پروجیکٹ کا سنگ بنیاد وزیراعظم نے 31.12.2015 کو رکھا تھا۔
دلی – میرٹھ ایکسپریس وے پروجیکٹ کا مقصد دلی اور میرٹھ کے درمیان اور اتر پردیش اور اتراکھنڈ کے درمیان تیز اور محفوظ کنکٹویٹی فراہم کرنا ہے۔ اس پروجیکٹ کی کل لمبائی 82 کلومیٹر ہے جس میں سے 27.74 کلو میٹر چودہ گلیاروں جبکہ بقیہ چھ گلیاروں والا ایکسپریس وے ہوگا۔ اس پر 4975 اعشاریہ ایک سات کروڑ روپیہ کی لاگت آئی ہے۔
دوسرا پروجیکٹ جسے اتوار کو ملک کو وقف کیا جائے گا وہ مشرقی پیرفرل ایکسپریس وے (ای پی ای) ہے جو کہ 135 کلومیٹر لمبا ایکسپریس وے ہے۔ یہ قومی شاہراہ 1 پر کنڈلی سے قومی شاہراہ -2 پر پلول کو جوڑتا ہے۔ اس کا وزیراعظم نے 5 نومبر 2015 کو سنگ بنیاد رکھا تھا۔
