مختار عباس نقوی نے ماہرکاریگروں کی بیش بہا اور اور قابل قدر اہلیتوں کا اظہار کرنے والے ’ہنر ہاٹ‘ کا افتتاح کیا

نئی دہلی، 11 اقلیتی امور کے وزیر مملکت (آزادانہ چارج) اور پارلیمانی امور کے وزیر مملکت جناب مختار عباس نقوی نے ’ ہنر ہاٹ‘ کے دوسرے ایڈیشن کا افتتاح کیا۔ اس کا انعقاد اقلیتی امور کی وزارت کی طرف سے ملک بھر کے اقلیتی برادری سے تعلق رکھنے والے ماہر کاریگروں / دستکاروں کی حوصلہ افزائی کرنے، ان کے ہنر کو فروغ دینے اور انہیں قومی اور بین الاقوامی مارکیٹ فراہم کرنے کے لئے کیا جا رہا ہے۔ ’دستکاری اور کھانا کا سنگم‘ کے موضوع کے ساتھ دوسرے ’ ہنر ہاٹ‘ کا انعقاد اسٹیٹ امپوريا كمپلكس، بابا كھڑگ سنگھ مارگ، کناٹ پلیس میں 11 سے 26 فروری، 2017 تک کیا جا رہا ہے۔

جناب نقوی نے کہا کہ یہ ’ ہنر ہاٹ‘ بایں طور منفرد ہے کہ اس میں ملک کے مختلف حصوں سے لائی گئی دستکاری اور روایتی کھانوں کی نمائش کی جا رہی ہے ۔ ’ ہنر ہاٹ‘کا انعقاد اقلیتی امور کی وزارت کی استاد (ترقی کے لئے روایتی آرٹس / کرافٹس میں تربیت سازی اور ہنرمندی کو بہتر بنانے) کی اسکیم کے تحت قومی اقلیتی ترقی اور فنانس کارپوریشن (این ایم ڈی ایف سی) کے ذریعے کیا جا رہا ہے۔

جناب نقوی نے کہا کہ دوسرے ’ ہنر ہاٹ‘ کے تقریبا 130 اسٹالوں میں 24 ریاستوں اور مرکز کے زیر انتظام علاقوں کے کل 100 کاریگر اور 30 ماہرخانسامے حصہ لے رہے ہیں۔ اس میں ایک ’باورچی خانہ ‘ بھی ہے جس میں ملک کے مختلف حصوں کے کھانوں کی نمائش کی جارہی ہے جا رہا ہے اور وہاں آنے والے ان کا لطف اٹھا سکتے ہیں۔

پہلی بار اس نمائش میں مكرانا ماربل کی مصنوعات، سیکر کے بندھیج شرط، راجستھان کے موجری، تلنگانہ کی بنجارہ کڑھائی، علی گڑھ کے نقش و نگار والے ہاتھ سے تیار تالے اور دروازوں کے ہینڈل، ناگالینڈ کے کوكون سے آراستہ مصنوعات، میزورم کے روایتی ریشم وغیرہ جیسی دستکاری اور ہتکرگھا کی شاندار مصنوعات کی نمائش کی جا رہی ہے اور انہیں فروخت کیا جا رہا ہے۔ 13 ریاستوں کے مختلف کھانوں کو ماہرین کی جانب سے اس دوسرے ’ ہنر ہاٹ‘کے لئے لایا گیا ہے ۔ لکھنؤ کےاودھی مغلئی کھانے، راجستھان کا دال باٹی چورما اور تھالی، مغربی بنگال کا سندیش اور رس گلا، کیرالہ کا مالاباری کھانا، بہار کا لِٹّی چوکھا، مہاراشٹر کا پورن-پولی، گجرات کا ڈھوکلا

اور جلیبی، جموں و کشمیر کے کشمیری وازوان، مدھیہ پردیش کی بھٹّے کی کھیر، سابودانہ کی کھیراور کھچڑی وغیرہ ان میں شامل ہیں۔

وزیر موصوف نے یقین ظاہر کیا کہ پہلے ’ ہنر ہاٹ‘ ، جس کا انعقاد گزشتہ سال نومبر میں پرگتی

میدان میں کیا گیا تھا، کی طرح بابا كھڑگ سنگھ مارگ پر منعقد اس دوسرے ’ ہنر ہاٹ‘ میں بھی ماہر کاریگروں کے قابل قدر اور خوبصورت فن / اہلیتوں کی نمائش کی جائے گی۔منتخب ماہر کاریگروں کا تعلق اترپردیش (29)، راجستھان (9)، جموں و کشمیر (9)، گجرات (6)، منی پور (3)، اڑیسہ (2) اور کیرالہ، تلنگانہ اور بہار وغیرہ ریاستوں سے ہے۔ ’باورچی کھانا‘ میں لوگ اتر پردیش (3)، جموں و کشمیر (3)، مغربی بنگال (2)، گجرات (2) اور بہار، مہاراشٹر، راجستھان وغیرہ جیسی ریاستوں کی ترکیبوں سے لطف اندوز ہو سکتے ہیں۔