نئی دہلی، صدر جمہوریہ ہند جناب رام ناتھ کووند نے آج یعنی 8 جنوری 2018 کو اترپردیش میں چترکوٹ کے مقام پر جگدگرورام بھدرا چاریہ ہینڈی کیپڈ یونیورسٹی کے جلسہ تقسیم اسناد میں شرکت کی اور اس سے خطاب کیا۔
اس موقع پر تقریر کرتے ہوئے صدر جمہوریہ نے اس حقیقت پر خوشی کا اظہار کیا کہ اس یونیورسٹی نے کرکٹ ، ایتھلیٹکس ، فنونِ لطیفہ اور موسیقی کے شعبوں میں بہت سی کامیابیاں حاصل کیں۔ انہوں نے یہ بھی کہا کہ ہر وہ طالب علم جس نے اس یونیورسٹی سے گریجویشن کیا ہے، روز گار سے لگ گیا ہے۔ انہوں نے کہا کہ ہمیں اس وقت اور خوشی ہوگی جب طلبا اپنے کارخانے قائم کریں اور دوسرے لوگوں کے لئے روزگار کے مواقع پیدا کریں۔ ا نہوں نے تجویز کیا کہ یونیورسٹی کو چاہئے کہ طلبا کو اپنا روزگار شروع کرنے اور اپنے کارخانے قائم کرنے کے لئے راغب کریں۔
اس سے پہلے دن کے وقت صدر جمہوریہ نے مدھیہ پردیش کے ستنا ضلع میں چترکوٹ کے مقام پر دین دیال ریسرچ انسٹی ٹیوٹ کا دورہ کیا اور وہاں کے مختلف پروجیکٹوں کا معائنہ کیا۔ انہوں نے سیارام کوٹیر میں سماجی کارکن ، نانا جی دیش مکھ کو خراج عقیدت بھی پیش کیا۔