نئی دلّی ، وزارت خزانہ کے تحت محکمہ مالی خدمات 27 ستمبر سے 17 اکتوبر ، 2017 ء تک ملک کے مختلف حصوں میں قومی بنیاد پر مدرا پروموشن مہم چلانے والی ہے ۔ مہم کی شروعات 27 فروری کو اتر پردیش کے وارانسی میں ہو گی ، جہاں ریلوے اور کوئلہ کے مرکزی وزیر جناب پیوش گوئل اس موقع پر منعقدہ تقریب میں شرکت کریں گے ۔ اسی قسم کی ایک تقریب 2 اکتوبر ، 2017 ء کو گجرات کے گاندھی نگر میں منعقد ہونے والی ہے ، جس میں سڑک ٹرانسپورٹ اور شاہراہوں ، جہاز رانی اور آبی وسائل ، ندیوں کی ترقی اور گنگا کی صفائی کے وزیر جناب نتن گڈکری شرکت کریں گے ۔ اسی دن یعنی 2 اکتوبر ، 2017 ء کو اسی قسم کی تقریبات اترا کھنڈ کے دہرہ دون اور آسام کے گواہاٹی میں بھی منعقد ہوں گی ، جن میں بالترتیب ٹیکسٹائل کے وزیر مملکت جناب اجے ٹمٹا اور ریلوے کے وزیر مملکت جناب راجن گوہین شرکت کریں گے ۔
اس سلسلے میں ملک کے مختلف حصوں میں 3 جنوری کو بھی ایسی ہی تین تقریب منعقد کی جا رہی ہیں ۔ ایسی ایک تقریب آندھرا پردیش کے وجے واڑہ میں بھی منعقد ہو گی ، جس میں اقلیتوں کے امور کے وزیر جناب مختار عباس نقوی شرکت کریں گے ۔ چھتیس گڑھ کے رائے پور میں منعقد ہونے والی تقریب میں فولاد کے وزیر مملکت جناب وشنو دیو سائی شرکت کریں گے ، جب کہ تیسری تقریب تری پورہ کے اگرتلہ میں منعقد ہو گی ، جس میں قبائلی امور کے وزیر مملکت جناب جسونت سنگھ سمن بھائی بھبھور شرکت کریں گے ۔
ملک کے مختلف حصوں میں ایسی کل 15 مدرا پروموشن مہمیں چلائی جائیں گی ، جن میں منجملہ دیگر افراد کے علاوہ مرکزی وزراء حصہ لیں گے ۔
مختلف ریاستوں کی ریاستی سطح کے بینکنگ کمیونٹیاں ( ایس ایل بی سی ) اس مہم میں سرگرمی کے ساتھ حصہ لیں گی اور ان میں تال میل قائم کریں گی ۔
یہ مہم مختلف مقامات پر بھی شروع ہو گی ، جن میں پٹنہ ، شملہ ، چنڈی گڑھ ، چینئی ، سری نگر ، اندور ، لدھیانہ ، میرٹھ ، جودھپور ، بھوبنیشور ، حیدر آباد ، بنگلورو ، لکھنؤ ، دمن ، ناگپور ، پناجی ، راج کوٹ ، شیلانگ ، بھوپال ، کوارتی ، کولکاتہ ، سلواسہ ، ممبئی ، مظفر پور ، ایزوال ، سالیم ، ہبلی ، ترو اننتا پورم ، پڈو چیری ، جے پور ، رانچی ، نئی دلّی ، فرید آباد ، گورکھپور ، جموں ، جام نگر ، منگلور ، گنگٹوک ، پنے ، امپھال ، کوہیما ، پورٹ بلیئر اور ایٹا نگر شامل ہیں ۔
