نئی دہلی، صدر جمہوریہ ہند جناب پرنب مکھرجی نے جمہوریہ ونوآتو کے صدر عالی جناب بالڈوِن جیکب سن لونسڈیل کے انتقال پر تعزیت کا اظہار کیا ہے۔
جمہوریہ ونوآتو کے کارگزار صدر اور پارلیمنٹ کے اسپیکر عالی جناب ایس مون سائمون کے نام ایک پیغام میں صدر جمہوریہ نے کہا ہے کہ ہمیں جمہوریہ ونوآتو کے صدر عالی جناب بالڈوِن جیکب سن لونسڈیل کے بے وقت انتقال کے بارے میں جان کر گہرا دکھ ہوا ہے۔
صدر لانسڈیل نے مشکل وقتوں سے ونوآتو کو تیزی کے ساتھ باہر نکالا ۔ اپنے شعور اور دور اندیشی کے ذریعہ انہوں نے جمہوریہ ونوآتو کے لئے اب تک کی سب سے مضبوط بین الاقوامی شراکت داری کی تشکیل ہندوستان اور جمہوریہ ونوآتو کے درمیان دو فریقی تعلقات کو مضبوط کرنے میں صدر لانسڈیل کا اہم کردار رہا۔
جمہوریہ ہند کے عوام اور حکومت کی جانب سے میں صدر لانسڈیل کے کنبے اور ونوآتو کے عوام کے تئیں دلی تعزیت اور ہمدردی کا اظہار کرتا ہوں۔
