نئی دہلی، زیر زمین آبی وسائل کے ختم ہوتے جانے کے مسئلے کے ازالہ کے لئے سی پی ڈبلیو ڈی نے بارش کا پانی جمع کرنے اور زیر زمین پانی کو مصنوعی طریقے پر ریچارج کرنے کا فیصلہ کیا ہے۔ اس کے لئے سی پی ڈبلیو ڈی کے احاطوں میں بارش کا پانی جمع کرنے کے نظامات دستیاب کرائے جائیں گے تاکہ بارش کے پانی کو محفوظ کیا جاسکے اور اس کا استعمال ہوسکے۔ اس کا مقصد زیر زمین آبی وسائل میں اضافہ کرنا بھی ہے تاکہ پانی کے ختم ہونے کے سلسلے کو روکا جاسکے ۔
سی پی ڈبلیو ڈی نے ملک میں بارش کے پانی کو جمع کرنے /زیر زمین آبی وسائل کو مصنوعی طریقے سے ریچارج کرنے کے عمل کو فروغ دینے کے کام میں قائدانہ کردار ادا کیا ہے۔ سی پی ڈبلیو ڈی نے ملک بھر میں اپنے دائرہ اختیار میں آنے والے مختلف مقامات /علاقوں میں 1100 سے زیادہ بارش کے پانی کو محفوظ کرنے کے نظامات دستیاب کرائے ہیں۔ سی پی ڈبلیو ڈی کے ذریعہ بارش کے پانی کو جمع کرنے کے نظامات کی چند تصاویر حسب ذیل ہیں۔