شری امت شاہ نے کہا کہ ‘‘اس عظیم پروجیکٹ کو بے حد چیلنجز درپیش تھے لیکن اسے وقت سے پہلے ہی پورا کر لیا گیا’’۔

Image default
Urdu News

نئی دہلی: مرکزی وزیر داخلہ شری امت شاہ نے کہا ہے کہ ‘‘ وزیر اعظم شری نریندر مودی کے ذریعہ 2300 کلومیٹرطویل سب میرین آپٹیکل فائبر کیبل کا افتتاح کیا جانا انڈمان اور سوراج جزیرے کے لوگوں کے لئے بہت ہی اہم دن ہے’’۔

اپنے ٹویٹ میں شری امت شاہ نے کہا ، ‘‘اس بڑے پروجیکٹ کو بے حد چیلنجز درپیش تھے لیکن اسے وقت سے پہلے ہی پورا کر لیا گیا’’۔

وزیر اعظم شری نریندر مودی اور مواصلات ، الیکٹرانکس اور آئی ٹی اور قانون و انصاف کے مرکزی وزیر شری روی شنکر پرساد کا شکریہ ادا کرتے ہوئے شری امت شاہ نے کہا ‘‘اس تاریخی پروجیکٹ سے انڈمان اور نکوبار جزیروں کی ترقی کے ایک نئے دور کی شروعات ہوگی’’۔

یہ بتاتے ہوئے کہ یہ سب میرین او ایف سی میٹرو شہروں کے حساب سے انڈمان اور نکوبار میں تیز رفتار ٹیلی کام اور براڈ بینڈ کی سہولتیں فراہم کرے گا، مرکزی وزیر داخلہ نے کہا  ‘‘اس سے ای۔ ایجوکیشن، بینکاری سہولتیں، ٹیلی میڈیسن جیسے شعبوں میں بہت زیادہ فائدہ ملے گا اور سیاحت کے شعبے کو فروغ دے کر روزگار میں اضافہ ہو گا’’۔

مرکزی وزیر داخلہ نے کہا  ‘‘مودی سرکار اپنے ڈیجیٹل انڈیا کے مشن کے تئیں پرعزم ہے اور وہ اپنے شہریوں کو بہترین جدید سہولیات کے ساتھ بااختیار بنا رہی ہے’’۔

Related posts

شاہراہوں کو آپٹکس فائبر تیل اور گیس پائپ لائنیں بچھانے کیلئے استعمال کیاجاسکتا ہے:نتن گڈکری

رکشا منتری جناب راج ناتھ سنگھ نے امریکہ کے وزیر دفاع کے ساتھ فون پر بات چیت کی

صدر جمہوریہ ہند نے بہادر ی اور شجاعت کے لئے ایوارڈ تقسیم کئے