27 C
Lucknow
Online Latest News Hindi News , Bollywood News

وزیر اعظم نے اندور میں امام حسین ( ایس اے ) کی شہادت کے یاد گاری عشرہ مبارکہ میں شرکت کی

Urdu News

نئی دلّی: وزیر اعظم جناب نریندر مودی نے آج اندور میں امام حسین ( ایس اے ) کی شہادت کی یادگار عشرہ مبارکہ کے موقع پر داؤدی بوہرہ برادری کے ایک اجتماع سے خطاب کیا ۔
وزیر اعظم نے امام حسین کی قربانی کو یاد کرتے ہوئے کہا کہ امام حسین ہمیشہ نا انصافی کے خلاف سینہ سپر رہے اور امن و انصاف کی سر بلندی کے لئے جام شہادت نوش کیا ۔ انہوں نے مزید کہا کہ امام حسین کی تعلیمات آج بھی افادیت کی حامل ہیں ۔وزیر اعظم نے ڈاکٹر سیدنا مفضل سیف الدین کے ذریعہ کئے گئے کام کی ستائش کرتے ہوئے کہا کہ قوم کے تئیں محبت اور وابستگی ان کی تعلیمات کا ہال مارک ہیں ۔
وزیر اعظم نے کہا کہ سب کو ساتھ لے کرچلنے کی تہذیب بھارت کو دوسرے ملکوں سے منفرد حیثیت عطا کرتی ہے ۔ ہمیں اپنے ماضی پر فخر ہے ، ہمیں اپنے حال پر اعتماد ہے اور ہم اپنے روشن مستقبل کے تئیںیقین رکھتے ہیں ۔
وزیر اعظم نے داؤدی بوہرہ برادری کے تعاون کو اجاگر کرتے ہوئے کہا کہ داؤدی بوہرہ سماج نے بھارت کی ترقی اور فروغ کے عمل میں ایک کلیدی رول ادا کیا ہے ۔ انہوں نے اس امر کا اظہار کیا کہ برادری تمام دنیا میں بھارت کی ثقافتی قوت کو پھیلانے کے عظیم کام کو جاری رکھے گی ۔
وزیر اعظم نے داؤدی بوہرہ برادری کے ذریعہ کئے گئے مختلف سماجی اقدامات کا ذکر کرتے ہوئے کہا کہ حکومت شہریوں کے معیار زندگی کو بلند کرنے خاص طور پر غریب اور ضرورت لوگوں کے معیارحیات کو بلند کرنے کے لئے کوشاں ہے ۔اس پس منظر میں انہوں نے حکومت کے ذریعہ کئے گئے ترقیاتی مختلف پہل قدمیوںآیوش مان بھارت ، سوئچھ ، بھارت ابھیان اور پردھان منتری آواس یوجنا کا ذکر کیا ۔ انہوں نے کہا کہ یہ پہل قدمیاں عام لوگوں کی زندگی میں تبدیلی لا رہی ہیں ۔
وزیر اعظم نے اندور کے لوگوں کو سوؤچھ سبھارت کو مشن کے طور پر اپنانے کے لئے مبارک باد پیش کی ۔ انہوں نے کہا کہ کل سوچھتا ہی سیوا ہے نامی اسکیم لانچ کی جائے گی اور اور اس عظیم سوچھتا مشن میں لوگ تیزی سے شرکت کریں گے ۔
کاروباری امور میں بوہرہ برادری کی ایمانداری کا ذکر کرتے ہوئے وزیر اعظم نے کہا کہ حکومت ایمان دارکارو باریوں اور کارکنان کی جی ایس ٹی ، اور دیوالیہ پن اور دیوالیہ قرار دیئے جانے کے ضابطے کے توسط سے مدد کرتی ہے ۔ انہوں نے کہا کہ بھارت کی معیشت نمو پذیر ہے اور نیو انڈیا افق پر روشن ہے ۔
مدھیہ پردیش کے وزیر اعلیٰ جناب شیو راج سنگھ چوہان بھی اس موقع پر موجود تھے ۔ ڈاکٹرسید مفضل سیف الدین نے اس سے قبل مثالی کاموں کے لئے وزیر اعظم کی ستائش کی اور ملک کے لئے ان کے ذریعہ انجام دیئے جانے والے امور میں ان کی کامرانی کی تمناکی ۔

Related posts

This website uses cookies to improve your experience. We'll assume you're ok with this, but you can opt-out if you wish. Accept Read More