نئی دہلی، بھارت میں لگاتار دو دنوں سے یومیہ نئے معاملے تقریبا 30 ہزار درج کئے جارہے ہیں۔ گزشتہ 24 گھنٹے کے دوران 29163 نئے معاملے درج کئے گئے ہیں۔ اس کے علاوہ بھارت میں گزشتہ 10 دنوں سے لگا تار 50 ہزار سے کم یومیہ نئے معاملے رجسٹر کئے جارہے ہیں۔
یہ جہاں ایک طرف بڑے پیمانے پر آبادی کے ذریعے کووڈ کے تئیں اپنائے گئے مناسب طور طریقے کی ترجمانی کرتا ہے، وہیں اس نقطہ نظر سے بھی اہمیت کا حامل ہے کہ یورپ اور امریکہ کے کئی ممالک میں یومیہ معاملوں کی تعداد میں اضافہ ہورہا ہے۔
یومیہ نئے معاملوں کے مقابلے روزانہ صحت یاب ہونے والوں کی تعداد میں اضافے کا سلسلہ بھی جاری ہے۔ گزشتہ 24 گھنٹے کے دوران ، جہاں 29163 نئے معاملے سامنے آئے ہیں ، وہیں 40791 لوگ صحت یاب بھی ہوئے ہیں۔
حکومت پورے ملک میں بڑے پیمانے پر مرض کی جانچ کو بھی جاری رکھے ہوئی ہے۔ آج کُل 126542907 لوگوں کی جانچ کی گئی ۔ اس کی وجہ سے مثبت معاملوں کی مجموعی تعداد گھٹ کر 7.01 فیصد ہوگئی ہے۔
فعال معاملوں کی کُل تعداد اس وقت 453401 ہے، جو کہ کُل معاملوں کا 5.11 فیصد ہے۔
صحت یاب ہونے والوں کی کُل تعداد 8290370 ہے، اس کی وجہ سے صحت یابی کی شرح بہتر ہوکر آج 93.42 فیصد ہوگئی ہے۔
گزشتہ 24 گھنٹے کے دوران صحت یابی کے 72.87 فیصد معاملے 10 ریاستوں ؍ مرکز کے زیر انتظام علاقوں سے سامنے آئے ہیں۔
کیرالہ میں صحت یاب ہونے والوں کی تعداد سب سے زیادہ ہے ، جہاں پر منی معاملوں کی تعداد 6567 ہے، مغربی بنگال میں یومیہ صحت یاب ہونے والوں کی تعداد 4376 ہے جب کہ دہلی میں یہ تعداد 3560 ہے۔
75.14 فیصد نئے معاملے 10 ریاستوں ؍ مرکز کے زیر انتظام علاقوں میں درج کئے گئے ہیں۔
دہلی میں گزشتہ چند دنوں کے مقابلے کل صرف 3797 نئے معاملے درج کئے گئے ہیں، جب کہ مغربی بنگال میں نئے معاملوں کی تعداد 3012 اور کیرالہ میں 2710 ہے۔
کُل 449 اموات میں سے 78.40 فیصد 10 ریاستوں ؍ مرکز کے زیر انتظام علاقوں میں درج کئے گئے ہیں۔
نئی اموات کا 22.76 فیصد یعنی 99 اموات دہلی میں ہوئی ہیں۔ مہاراشٹر میں 60 لوگوں کی موت ہوئی ہے جب کہ مغربی بنگال میں 53 لوگوں کی موت ہوئی ہے۔
