نئی دہلی، آیوش کی وزارت اور سینٹرل کونسل آف ریسرچ ان آیورویدک سائنس (سی سی آر اے ایس) اور سی سی آر اے ایس کے سبھی 25 کلینکل ریسرچ انسٹی ٹیوٹ ستمبر2018 ماہ میں منائے جارہے راشٹریہ پوشن ماہ کے دوران صحت دیکھ بھال سےمتعلق مختلف قسم کی سرگرمیاں انجام دے رہے ہیں۔ سی سی آر اے ایس کے تین اداروں یعنی سینٹرل آیوروید ریسرچ انسٹی ٹیوٹ فار کارڈیوویسکولر ڈیزیز (سی ا ے آر آئی سی ڈی، پنجابی باغ نئی دہلی، ریجنل آیوروید ریسرچ انسٹی ٹیوٹ فار نیوٹریشنل ڈس آرڈرس (آر اے آر آئی این ڈی، منڈی(ہماچل پردیش) اور ریجنل آیوروید ریسرچ انسٹی ٹیوٹ فار مدر اینڈ چائلڈ ہیلتھ کیئر (آر اے آر آئی ایم سی ایچ ، ناگپور (مہاراشٹر) 15 ستمبر 2018 کو مریضوں اور عوام الناس کے لئے نیوٹریشنل اویرنیس کیمپ کا انعقاد کیا۔
کیمپ کے دوران روزمرہ استعمال ہونے والے کچھ ادویاتی پودے کی نمائش مریضوں کی جانکاری کے لئے کی گئی۔ شرکا کو آیورویدکے تناظر میں غذائیت کی اہمیت بتائی گئی ، نمائش دیکھنے آنے والوں ، مریضوں، آئی پی ڈی خواتین مریضوں کو او پی ڈی کے دیگر مریضوں کے ساتھ اس سلسلہ میں معلومات فراہم کی گئیں۔ حاملہ اور دودھ پلانے والی ماؤں کو بھی غذائیت کی اہمیت سے واقف کرایا گیا اور بینر ، چارٹ اور بروچر بھی تیار ، آویزاں اور تقسیم کئے گئے تاکہ لوگوں میں بیداری لائی جاسکے۔
آیوش کی وزارت نے اپنے سبھی ریسرچ کونسلوں اور انسٹی ٹیوٹ کو عوام کی فلاح و بہبود کے لئے اس طرح کی سرگرمیاں انجام دینے کی ہدایت بھی دی ہے۔ اس کا مقصد تکنالوجی ہدف بند نقطہ نظر اور امتزاج کے ساتھ بچوں ، بلوغت کی عمر کو پہنچنے والے لڑکوں و لڑکیوں ، حاملہ خواتین اور دودھ پلانے والی ماؤں کی تغذیاتی صورتحال کو بہتر بنانا ہے۔
اس کیمپ کاخاکہ اور اہتمام مذکورہ اداروں میں ا پنے یہاں برسر کار ی ڈاکٹروں کے تعاون سے کیا۔ جس میں انہوں نے مریضوں کو حکومت ہند کی آیوش کی وزارت کی کوششوں کے بارے میں بتایا کہ کیسے وہ پوشن ابھیان کو جن آندولن بنانے کا کام کررہی ہے۔مزید برآں بچوں کو مناسب خوراک دینے کی اہمیت ، بچوں کو ماؤں کے ذریعہ اپنا دودھ پلانے کی اہمیت نیز کمپلی مینٹری فیڈنگ (انیہ پرشن) سے متعلق رہنما ہدایات سے بھی واقف کرایا گیا تاکہ بچوں میں سوء تغذیہ کی صورتحال سے بچا جاسکے۔
