نئی دہلی: وزیراعظم جناب نریندر مودی 16فروری 2020 کو ایک روزہ دورے پر اپنے پارلیمانی حلقے وارانسی کا دورہ کریں گے۔
وزیراعظم ، شری جگد گورو وشو وردھیا گوروکل کی صد سالہ تقریبات کی اختتامی تقریب میں حصہ لیں گے۔جناب مودی 19 زبانوں میں شری سدھانت شکھامنی گرنتھ کے ترجمہ شدہ ورژن اور اس کے موبائل ایپ کا اجرا بھی کریں گے ۔
بعد ازاں جناب نریند رمودی پنڈت دیا دیال اپادھیائے میموریل سینٹر کو قوم کے نام وقف کریں گے ۔اس پروگرام میں وزیر اعظم پنڈت دین دیال اپادھیائے کے 63فٹ پانچا لوہا مجسمے کی نقاب کشائی بھی کریں گے ۔ملک میں اس رہنما کا یہ سب سے بڑا مجسمہ ہے ۔200سے زائد دستکار پچھلے ایک سال سے رات دن مجسمے کو مکمل کرنے کے لئے کام کررہے تھے۔
میموریل سینٹر میں پنڈت دین دیال اپادھیائے کی حیات اور کارناموں پر نقش گری ہے ۔ اوڈیشہ کے تقریباََ 30دستکاروں اور فنکاروں نے پچھلے سال کے دوران اس پروجیکٹ پر کام کیا تھا۔
وزیراعظم اس کے بعد ایک عوامی تقریب میں 30سے زیادہ پروجیکٹ قوم کو معنون کریں گے ۔اس میں کاشی ہندووشوودھیالیہ ( بی ایچ یو ) میں 430 بستر والے ایک سوپر اسپیشلٹی سرکاری اسپتال اور بی ایچ یو میں 74 بستروالے ایک دماغی امراض کا اسپتال شامل ہے ۔
وزیراعظم ویڈیو لنک کے ذریعہ آئی آر سی ٹی سی کی مہاکال ایکسپریس کو ہری جھنڈی دکھاکر روانہ بھی کریں گے ۔ یہ ٹرین تین جیوترلنگ تیرتھ مراکز – وارانسی ، اجین اور اومکاریشور کو جوڑے گی۔یہ ملک میں پہلی راتوں رات چلنے والی پرائیویٹ ٹرین ہوگی۔
وزیراعظم جناب نریندر مودی ’’کاشی ایک روپ انیک ‘‘ کا افتتاح کریں گے ۔وزیراعظم امریکہ ، انگلینڈ اور آسٹریلیا سمیت دنیا کے مختلف ملکوں سے آنے والے خریداروں اور دستکاروں سے ملاقات کریں گے ۔’’کاشی ایک روپ انیک ‘‘ پنڈت دین دیال اپادھیائے ہستھ کلاسنکل میں ایک دوروزہ پروگرام ہے ۔ اس میں پورے اترپردیش کی مصنوعات دکھائی جائیں گی۔
