خواتین کی قیادت میں ترقی شروع سے ہی ہماری اولین ترجیح رہی ہے: وزیر اعظم

وزیراعظم جناب نریندر مودی نے کہا کہ گزشتہ 8 برسوں میں حکومت نے خواتین کو بااختیار بنانے میں کوئی کسر نہیں چھوڑی ہے۔ جناب مودی نے یہ بھی کہا کہ خواتین کی قیادت میں ترقی کے نتیجے میں ہماری کروڑوں ماؤں، بہنوں اور بیٹیوں کی زندگی آسان ہوگئی ہے اور وہ ملک کی ترقی میں بے پناہ تعاون کر رہی ہیں۔

وزیر اعظم نے ٹویٹ کیا:

“پچھلے 8 سالوں میں حکومت نے ناری شکتی کو بااختیار بنانے میں کوئی کسر نہیں چھوڑی ہے۔ خواتین کی قیادت میں ترقی کو شروع سے ہی ترجیح دی گئی ہے۔ اس کے نتیجے میں ہماری کروڑوں ماؤں، بہنوں اور بیٹیوں کی زندگی آسان ہوگئی ہے اور وہ ملک کی ترقی میں اپنا حصہ ڈال رہی ہیں۔ “