24.8 C
Lucknow
Online Latest News Hindi News , Bollywood News

جناب پرہلاد سنگھ پٹیل نے کلچر کی وزارت کی سینئر / جونیئر فیلو شپ کے لئے اسکیم میں نیپالی اور سنتھالی زبانوں کو شامل کئے جانے کا اعلان کیا

Urdu News

نئی دہلی، ثقافت اور سیاحت کے مرکزی  وزیر مملکت جناب پرہلاد سنگھ پٹیل نے   کلچر کے شعبےمیں ممتاز

فنکاروں کو سینئر / جونیئر فیلو شپ دینے کی  اسکیم میں  ادب کے شعبے میں ہندوستانی آئین کے 8 ویں شیڈول کی باقی دو زبانوں یعنی نیپالی اور سنتھالی کو شامل کرنے کا اعلان کیا ہے ۔  یہ اعلان کلچر کے وزیر نے  آج نئی دلّی میں میڈیا کے ساتھ ایک گفتگو  کے دوران کیا  ۔

          کلچر کی وزارت کلچر کے شعبے میں ممتاز فن کاروں کو سینئر / جونیئر فیلو شپ  دینے کی ایک اسکیم چلاتی ہے ۔ یہ فیلو شپ  تحقیق پر مبنی پروجیکٹوں  کے لئے دی جاتی ہے ۔

          سینئر / جونیئر فیلو شپ   اسکیم کے لئے انتخاب کا عمل دوارکا میں قائم  ثقافتی وسائل اور تربیت کا مرکز  ( سی سی آر ٹی ) انجام دیتا ہے ۔ اس کے لئے ‘‘ ادبی فنون ’’ کے شعبے کے تحت امید وار ذیلی شعبے میں 22 زبانوں میں تحقیق کے لئے درخواست دے سکتے ہیں ۔  ان 22 زبانوں میں آئین کی دفعہ 344  ( 1 ) کے 8 ویں شیڈول اور آئین کی دفعہ 251 کے تحت  20 زبانوں کے علاوہ انگریزی اور کھاسی شامل ہیں ۔  ان 20 زبانوں میں مندرجہ ذیل زبانیں شامل ہیں :

( 1 ) آسامی ، ( 2 ) بنگالی ، ( 3 ) بوڈو ، ( 4 ) ڈوگری ، ( 5 ) گجراتی ، ( 6 ) ہندی ، ( 7 ) کنڑ ، ( 8 ) کشمیری ، ( 9 ) کونکنی  ، ( 10 ) میتھلی ، (11 ) ملیالم ، ( 12 ) منی پوری ، ( 13 ) مراٹھی ، ( 14 ) اڑیہ ، ( 15 ) پنجابی ، ( 16 ) سنسکرت ، ( 17 ) سندھی ، ( 18 ) تمل ، ( 19 ) تیلگو اور ( 20 ) اردو ۔   

Related posts

This website uses cookies to improve your experience. We'll assume you're ok with this, but you can opt-out if you wish. Accept Read More