جناب فگن سنگھ کلستے نے آئی وی آر پورٹل اور محصول سے مبرا مفت نمبر کا آغاز کیا

نئی دہلی، 20 مارچ، صحت اور کنبہ بہبود کے وزیر مملکت جناب فگن سنگھ کلستے نے کہا ہے کہ دہن کی صحت ایک شخص کی پوری صحت سے مربوط ہوتی ہے اور صحت ملک کی ہمہ گیر ترقی سے وابستہ ہوتی ہے۔ موصوف عالمی یوم صحت دہن کے موقع پر منعقدہ ایک تقریب سے آج یہاں خطاب کررہے تھے۔ صحت و کنبہ بہبود کی وزارت کے سکریٹری جناب سی کے مشرا صحتی خدمات کے ڈائرکٹر جنرل ڈاکٹر جگدیش پرساد اور وزارت کے دیگر سینئر افسران بھی اس موقع پر موجود تھے۔

جناب فگن سنگھ کلستےنے اس موقع پر قومی دندان اور صحت دہن سے متعلق اطلاعات کے آئی وی آر پورٹل اور متعلقہ اطلاعات ، تعلیم و مواصلات (آئی ای سی) مواد کا اجرا کرنے کے ساتھ محصول سے مبرا نمبر (1XXX-XX-2032) کا بھی اجرا کیا۔

جنا فگن سنگھ کلستے نے اظہار خیال کرتےہوئے کہا کہ بھارت نے حفظان صحت کے شعبے میں نئے پروگرام شروع کرکے بڑے قدم اٹھائے ہیں تاکہ ملک میں صحت کے منظرنامے کو سدھارا جاسکے اور اب بھارت ان ممالک کی صف میں آگیا ہے جن کے یہاں دہنی صحت لئے جامع انتظامات دستیاب ہیں۔ انہوں نے کہا کہ صحت دنداں کی جانب بیداری وقت کی اہم ضرورت ہے اور یہ اطلاعاتی اقدامات ایسے ہیں جن کے ذریعہ عوام مثبت اور صحت مند عادتیں اختیار کریں گے۔