جلیاں والا باغ نیشنل میموریل(ترمیمی) بل 2019 راجیہ سبھا کے ذریعے منظور کیے جانے کے بعد آج پارلیمنٹ میں منظور ہوگیا۔ لوک سبھا میں یہ بل 2 اگست2019 کو پہلے ہی منظور کیا جاچکا تھا۔ اس بل کی رو سے ایک ایسا ٹرسٹ قائم کیا جائے گا جو جلیاںوالا باغ نیشنل میموریل کوچلائے گا اور اس کا انتظام و انصرام دیکھے گا۔اس میں وہ شق ہٹا دی گئی ہے، جس کی رو سے انڈین نیشنل کانگریس کے صدر کو اس ٹرسٹ میں مستقل رکنیت حاصل تھی۔ علاوہ ازیں اس بل میں یہ ترمیم بھی کی گئی ہے، جس کے رو سے ایوان نمائندگان کے ذریعے منظور شدہ حزب اختلاف کے لیڈر کو اس ٹرسٹ میں بحیثیت رکن شامل کیا جائے گا اور جہاں حزب اختلاف لیڈر موجود نہ ہوگا، وہاں حزب اختلاف کی سب سے بڑی پارٹی کے لیڈر کو اس ٹرسٹ کی رکنیت تفویض کی جائے گی۔
केंद्रीय संस्कृति मंत्री , श्री @prahladspatel ने आज राज्यसभा में जलियाँवाला बाग राष्ट्रीय स्मारक संशोधन विधेयक को पारित करने हेतु प्रस्तुत किया एवं उस पर अपना वक्तव्य दिया । pic.twitter.com/W4JrmIZG8B
— Ministry of Culture (@MinOfCultureGoI) November 19, 2019
اس کے ساتھ ہی اس بل میں یہ ترمیم بھی کی گئی ہے، جس کے رو سے نامزد متولی حضرات کی رکنیت پانچ برس کی مدت مکمل ہونے سے قبل ہی منسوخ کی جاسکے گی۔
اس موقع پر اپنی تقریر میں وزیر مملکت برائے سیاحت وثقافت (آزادانہ چارج) جناب پرہلاد سنگھ پٹیل نے کہا کہ اس سال جلیاں والا باغ قتل عام کی یاد کے 100 سال پورے ہوچکے ہیں اور 100 سال پورے ہونے کے بعد یہ ضروری ہے کہ صحیح معنوں میں ایک قومی میموریل کی حیثیت سے جلیاں والا باغ نیشنل میموریل قائم کیا جائے۔ ان ترمیمات کے ذریعے اس میموریل کو صحیح معنوں اور جذبے کے ساتھ قومی یادگار کی حیثیت حاصل ہوسکے گی۔
