27 C
Lucknow
Online Latest News Hindi News , Bollywood News

این ڈی اے حکومت نے کھاد کے سیکٹر کو فروغ دینےکیلئے متعدد اقدامات کئے ہیں:ڈی وی سدانند گوڑا

Urdu News

کیمیکلز اور کھادوں کے مرکزی وزیر جناب ڈی وی سدانند گوڑا نے کہا ہے کہ این ڈی اے حکومت نے کسانوں کی آسانی کیلئے کھاد کے سیکٹر کو فروغ دینےکیلئے متعدد اقدامات کئے ہیں۔ جناب گوڑا نے کہا کہ زرعی پیداواریت کو پائیدار رکھنے کیلئے کھادوں کے بہترین استعمال کے سلسلے میں معلومات کی تشہیر کرنے اور کھادوں کے استعمال کے سیکٹر میں ہوئی نئی ترقی کے بارے میں کسانوں کو بیدار کرنے کیلئے کھادوں کے محکمے، زرعی اشتراک وتعاون اور کسانوں کی بہبود کے محکمے اور زرعی تحقیق اور تعلیم کے محکمے نے مشترکہ طور سے کسانوں کیلئے فرٹیلائزر ایپلی کیشن بیداری پروگرام کاانعقاد کیاہے۔

جناب گوڑا نے مزید کہا کہ کھادوں اور کھادوں سے متعلق ٹیکنالوجیوں میں تحقیق اور اختراع کو فروغ دینے کیلئے کھادوں کے محکمے کے تحت مرکزی سیکٹر کی سرکاری کمپنیوں (سی پی ایس ای) نے ایک الگ تھنک ٹینک ادارہ قائم کیا ہے جس کا نام ہے انڈین کونسل فار فرٹیلائزرس اینڈ فرٹیلائزر ٹیکنالوجی ریسرچ(آئی سی ایف ایف ٹی آر) کونسل کو 19 اگست 2019 کو سوسائٹی رجسٹریشن ایکٹ  1860 کے تحت سوسائٹی کے طور پر رجسٹرڈ کیا گیا ہے۔ کونسل فرٹیلائزراور فرٹیلائزر مینوفیکچرنگ ٹیکنالوجی، پیداوار کے لئے کچے مال کے استعمال اور اختراع کے شعبے میں تحقیق وترقی اورتحقیقی کام کریگا/فروغ دیگا نیز اس کے لئے مختلف تحقیقی اداروں، فرٹیلائزر انڈسٹری اور دیگر اسٹیک ہولڈروں کے ساتھ اشتراک/ ساجھیداری کریگا۔ اب تک جنرل کونسل کی دوبار میٹنگ ہوئی ہے اور ایگزیکٹیو کمیٹی نے تین میٹنگیں کی ہیں۔

Related posts

This website uses cookies to improve your experience. We'll assume you're ok with this, but you can opt-out if you wish. Accept Read More