نئی دہلی، 20 جنوری / آیوش دواؤں کےاشتہار میں بدعنوانی اور بے ضابطگیوں کی روک تھام کےلئے آیوش کی وزارت نے ایڈورٹائزنگ اسٹینڈرڈ کونسل آف انڈیا کے ساتھ ایک مفاہمت نامہ پر دستخط کئےہیں۔ آیوروید ، یوگا ، نیچروپیتھی ، یونانی، سدھا اور ہومیوپیتھی دواؤں و علاج معالجے اور متعلقہ خدمات سےمتعلق گمراہ کن اشتہارات کےمعاملوں کی جانب اشارہ کرتے ہوئے اے ایس سی آئی تمام پرنٹ اور الیکٹرانک میڈیا پر ان اشتہاروں کی جا مع نگرانی کرے گا۔ مفاہمت نامہ پر دستخط آیوش کی وزارت کےمشیر (آیوروید) ڈاکٹر دنیش چند کٹوچ نے کئے،جبکہ دوسری جانب اے ایس سی آئی کے چیئرمین سری نواسن -کے –سوا می کی طرف سے مفاہمت نامہ پر دستخط کئےگے۔ اس مفاہمت نامہ پر دستخط نئی دہلی میں آیوش کےسکریٹری اجے ایم شرن کی موجودگی میں کئے گئے۔
آیوش کی وزارت کی جانب سے اے ایس سی آئی کو خود نگرانی کرنے کے حق دیا گیا ہے تاکہ آیوش سیکٹر میں گمراہ کن اشتہار کی نشاندہی کی جاسکے اور اس کی شکایتوں کی صارفین کونسل کے ذریعہ شکایتوں پر کارروائی کی جاسکے۔
شراک داری پر تبصرہ کرتے ہوئے آیوش کی وزارت کے سکریٹری جناب اجیت ایم شرن نے کہا کہ مفاہمت نامہ ایک اوراہم قدم ہے جو آیوش کی وزارت کی طرف سے اٹھایا گیا ہے تاکہ اس بات کو یقینی بنایا جاسکے کہ ہندستان کے صارفین کی محفوظ اور موثر دواؤں تک رسائی ہے۔
9 comments