نئی دہلی، جولائی ۔بھوٹان کے الیکشن کمیشن کی خصوصی درخواست پر انڈیا انٹر نیشنل انسٹی ٹیوٹ آف ڈیمو کریسی اینڈ الیکشن مینجمنٹ (آئی آئی آئی ڈی ای ایم ) کی جانب سے نئی دہلی میں 9سے 13 جولائی 2018 تک ایک پانچ روزہ فروغ اہلیت پروگرام کا اہتمام کیا جائے گا۔ اس پروگرام کے شرکا میں الیکشن مینجمنٹ باڈی آف بھوٹان کے نامہ نگار اور میڈیا افسران شامل ہوں گے ۔اس پروگرام کا مقصد چناؤ میں میڈیا مذاکروں کا اہتمام شامل ہے۔ ہندوستان کے چیف الیکشن کمشنر نے اس پروگرام کی افتتاحی تقریر میں کہا کہ انتخابات میں میڈیا کا کردار انتہائی اہمیت کا حامل ہے کیونکہ آج پوری دنیا نیٹ ورک کے نظام سے اس حد تک جُڑ چکی ہے کہ دنیا کے کسی بھی مقام پرہونے والی کوئی بھی تقریب دیگر مقامات پر اثر انداز ہوسکتی ہے ۔انہوں نے امید ظاہر کی کہ اس پروگرام کے مختلف اجتماعات میں سیکھنے اورمتعلقہ علم حاصل کرنے کے موضوعات پر مذاکراتی مباحثے ہوں گے ۔
اس موقع پر ڈپٹی الیکشن کمشنر جناب سندیپ جین نے اس پروگرا م کے شرکا کا خیر مقدم کرتے ہوئے بتایا کہ آئی آئی آئی ڈی ای ایم کی جانب سے انتخابات میں میڈیا کی کارکردگی پر ایک کور س شروع کیا جارہا ہے ۔ اس موقع پر ڈائریکٹر جنرل جناب دھیریندر اوجھا نے کہا کہ اس پروگرام میں تمام متعلقہ موضوعات کو شامل کیا جائے گا۔اس کے ساتھ ہی انہوں نے اپنی اس امید کا اظہار بھی کیا کہ اس پروگرام کے مختلف اجتماعات میں فائدہ مند مباحثے ہوں گے ۔
ٓئی آئی آئی ڈی ای ایم کے ماہر انتخابی رائے دہندگان ڈاکٹر نورمحمد نے اس موقع پر پروگرام کے شرکا کو اس پانچ روزہ پروگرام کی تفصیلات سے آگاہ کیا ۔اس پروگرام کے کلیدی موضوعات میں انتخابات کا انتظام کرنے والے اداروں اور میڈیا کے تعلقات ، ووٹر ایجوکیشن اور میڈیا قانونی / ادارہ جاتی نظام ، خبر کی بامعاوضہ اشاعت اور میڈیا کی ضابطہ بندی ، میڈیا کے لئے ضابطہ اخلاق اور سوشل میڈیا اورمیڈیا سے متعلق طریقے اور ٹکنالوجی شامل ہے ۔
الیکشن کمیشن آف انڈیا کے ڈائریکٹر (ٹریننگ ) جناب وویک کھرے نے افتتاحی تقریب کے اختتام پر بھوٹان کے شرکا ،کمیشن ، ہندوستان کے الیکشن کمیشن کے سینئیر افسران اور ٓئی آئی آئی ڈی ای ایم کے عملے کا شکریہ ادا کیا ۔ انہوں نے اپنی تقریر میں امید ظاہر کی کہ اس پانچ روزہ پروگرام میں وسیع تر تدریسی تجربے کے حصول کے لئے فائدہ مند مباحثے ہوں گے ۔
