23 C
Lucknow
Online Latest News Hindi News , Bollywood News

انکم ٹیکس محکمہ کے ذریعے نئی بینامی ٹرانزیکشنز انفارمینٹس ریوارڈ اسکیم، 2018 کا آغاز

Urdu News

نئی دہلی، بیشتر معاملات میں پایا گیا ہے کہ کالے دھن کو دوسروں کے نام پر املاک میں خرچ کیاگیا، حالانکہ کالا دھن خرچ کرنے والے نے اپنے ٹیکس ریٹرن میں اپنی منفعت بخش ملکیت کو چھپا کر  اس کا فائدہ اٹھایا۔ حکومت نے اس سے پہلے قانون کو مزید مضبوط بنانے کیلئے بینامی ٹرانزیکشنز (پروہبیشن) ترمیمی ایکٹ 2016 کے ذریعے بینامی پراپرٹی ٹرانزیکشن ایکٹ، 1988 میں ترمیم کی تھی۔ کالے دھن کو اُجاگر کرنے اور ٹیکس  چوری کے معاملات میں کمی لانے سے متعلق انکم ٹیکس محکمہ کےذریعے کی جانے والی کوششوں میں عوام کی شراکت داری حاصل کرنے کے مقصد سے بینامی ٹرانزیکشنز انفارمینٹس ریوارڈ اسکیم 2018 نامی ایک نئی ریوارڈ اسکیم  کو انکم ٹیکس محکمہ نے شروع کیا ہے۔ اس ریوارڈ اسکیم کا مقصد بینامی ٹرانزیکشن اور املاک کے بارے میں معلومات دینے والے لوگوں کی حوصلہ افزائی کرنا اور اسی طرح سے اس طرح کے خفیہ سرمایہ کاروں اور منفعت بخش مالکان  کے املاک سے حاصل ہونے والی آمدنی کے بارے میں بھی معلومات دینے والے لوگوں کی حوصلہ افزائی  کرنا ہے۔

بینامی ٹرانزیکشن انفارمینٹس ریوارڈ اسکیم 2018 کے تحت جوائنٹ یا ایڈیشنل کمشنرس آف بینامی پروہبشن یونٹس (بی پی یو ایس) اِن انویسٹی گیشن ڈائریکٹوریٹ آف انکم ٹیکس ڈیپارٹمنٹ کو بینامی لین دین اور املاک کے بارےمیں خصوصی معلومات دینے والے شخص کو ایک کروڑروپے کا انعام دیا جا سکتا ہے۔

غیر ملکی بھی اس انعام کے مستحق ہوں گے۔ معلومات دینے والے شخص کی شناخت کواجاگر نہیں کیاجائے گا اور انتہائی سختی سے رازداری برتی جائے گی۔ ریوارڈ اسکیم کی تفصیلات بینامی ٹرانزیکشنز انفارمینٹس ریوارڈ اسکیم، 2018 میں دستیاب ہیں، جس کی نقل انکم ٹیکس کے دفاتر میں اور انکم ٹیکس محکمے کی سرکاری ویب سائٹ www.incometaxindia.gov.in پر دستیاب ہیں۔

Related posts

This website uses cookies to improve your experience. We'll assume you're ok with this, but you can opt-out if you wish. Accept Read More