نئی دہلی، الیکشن کمیشن آ ف انڈیا نے گزشتہ دیر شب چنئی میں سابق چیف الیکشن کمشنر جناب ٹی این سیشن کے انتقال پر گہرے رنج و غم کا اظہار کیا ہے۔ جناب سیشن کو خراج عقیدت پیش کرنے کے لئے آج نئی دہلی میں واقع نرواچن سدن میں صبح سوا گیارہ بجے ایک تعزیتی میٹنگ کا انعقاد کیا گیا ۔ ڈپٹی الیکشن کمشنر جناب سدیپ جین سابق چیف الیکشن کمشنر کو کمیشن کی جانب سے خراج عقیدت پیش کرنے کے لیےچنئی پہنچ رہے ہیں۔
جناب ٹی این سیشن کے انتقال پر کمیشن کا تعزیتی پیغام حسب ذیل ہے ۔
تعزیتی پیغام
(آنجہانی ) جناب ٹی این سیشن ، ہندستان کے دسویں چیف الیکشن کمشنر
الیکشن کمیشن آف انڈیا اپنے دسویں چیف الیکشن کمشنر جناب تیرونلئی نارائن ایئر سیشن کے انتقال پر گہرے رنج و غم کا اظہار کرتا ہے۔ تمل ناڈو کیڈر کے 1955 بیچ کے ممتاز آئی اے ایس افسر جناب ٹی این سیشن 12 دسمبر 1990 سے 11 دسمبر 1996 کے دوران چیف الیکشن کمشنر رہے۔ اس سے قبل وہ کابینہ سکریٹری رہے تھے۔
انہوں نے آفس کے لئے ایک اعلی معیار قائم کیا اور اپنی زندگی میں ہی افسانوی شخصیت (لیجنڈ) بن گئے ۔ و ہ ہمیشہ ہمارےلئے اور مستقبل میں آنے والے سبھی چیف الیکشن کمشنروں اور الیکشن کمشنروں کے لئے باعث تحریک رہیں گے۔
جناب سیشن نے انتخابی عمل کے مبادیات کا ازسرنو تعین کیا ۔چیف الیکشن کمشنر کے آئینی عہدے پر فائز رہتے ہوئے انہوں نے انتخابی بدعنوانیوں کے تعلق سے سخت رویہ اختیار کرتے ہوئے تشدد اور مسل پاور (قوت بازو ) کے ساتھ سختی بلکہ بےدردی کے ساتھ نمٹتے ہوئے اس عہدے کے وقار میں اضافہ کیا۔ قابل ذکر ہے کہ چیزیں ان کے وقت میں عروج پر تھیں۔
انہوں نےاس خودمختاری اور اختیارات کو بحا ل کیا جو آئین ہند کی دفعہ 324 کے تحت الیکشن کمیشن آ ف انڈیا کو دئے گئے ہیں ۔ انتخابی عمل کی نگرانی کے لئے محض ایک منیجر کےطور پر کام کرنے سے انکار کرتے ہوئے انہوں نے پیسہ ، شراب ، مسل پاور ، بوتھ کیپچرنگ جیسی برائیوں سے انتخابات کو پاک کرنے کے لئے سرگرمی کے ساتھ کام کرنا شروع کیا۔ ایک کیریئر بیوروکریٹس سے آغاز کرتے ہوئے انہوں نے اپنے آپ کو ہندستان کے چیف الیکشن کمشنر کے طور پرازسرنو مستحکم کیا اور انہوں نے لوگوں کے ذہنوں میں ووٹ کی قوت کو تازہ کردیا۔
جناب سیشن صحیح جگہ اور صحیح وقت پر صحیح انسان تھے۔ وہ انتخابی بدعنوانیوں کے خلاف جنگ کی ۔ انہوں نے ایساماحول اور ایسا شعور پیدا کیا جس میں شہریوں نے یہ محسوس کرنا شروع کیا کہ وہ انتخابات کے اہم شراکت داروں میں ہیں۔
اگرچہ زندگی کے گزشتہ 22برسوں سے چنئی میں سبکدوشی کی زندگی گزار رہے تھے ، تاہم وہ لوگوں کے لئے ایک زندہ جاوید افسانوی شخصیت (لیجنڈ) بن گئے تھے۔ وہ نوجوان اور بزرگ دونوں طرح کے ووٹروں کے تصور میں زندہ تھے۔ وہ شاندار ثقافتی قدروں کے حامل تھے جنہوں نے انہیں اپنے آپ میں ایک انجمن بنا دیا تھا۔
وہ الیکشن کمیشن اور قوم کے لئے ہمیشہ مثالی شخصیت بنے رہیں گے ۔ جناب سیشن نے کمیشن کے لئے اپنے پیچھے ایک شاندار روایت چھوڑی ہے اور وہ الیکشن کمیشن آف انڈیا میں ہمیں مسلسل تحریک دیتے رہیں گے۔
ہم ان کی رخصت پذیر روح کے لئے دعا گو ہیں اور گہری تعزیت کا اظہار کرتے ہیں۔
دستخط دستخط دستخط
سشیل چندر ا سنیل اروڑہ اشوک لواسا
الیکشن کمشنر چیف الیکشن کمشنر الیکشن کمشنر
