بھارتی بحریہ آزادی کے امرت مہوتسو کی تقریب میں باد بانی کشتیوں کی دوڑ اور پریڈ کا انعقاد کرے گی

Urdu News

نئی دلّی: آزادی کے امرت مہوتسو  کی تقریب کی سرگرمیوں کے ایک حصے کے طور پر بھارتی بحریہ نے  ، انڈین نیول سیلنگ ایسوسی ایشن  ( آئی این ایس اے ) کی سرپرستی میں   باد بانی کشتیوں کی دوڑ اور باد بانی کشتیوں کی پریڈ  کا منصوبہ بنایا ہے  ، جو  مقامی آبادی میں  باد بانی کے کھیلوں کو مقبول بنانے کے لئے تینوں کمانوں کے صدر دفاتر میں منعقد کی جائیں گی ۔ پہلی تقریب  23 ستمبر ، 2021 ء کو  ارناکولم   کے چینل میں کوچی   کے بھارتی بحریہ کے واٹر مین شپ  ٹریننگ سینٹر میں  منعقد کی جائے گی ۔  اس میں بحریہ کے 75  جوان شرکت کریں گے اور کشتی رانی کی اپنی صلاحیتوں کا مظاہرہ کریں گے ۔ بحریہ کی جنوبی کمان کے سربراہ  ، فلیگ آفیسر کمانڈنگ  ، اِس  تقریب میں مہمانِ خصوصی ہوں گے ۔  کشتیوں کی دوڑ اور پریڈ میں بحریہ کی جنوبی کمان  کے بھارتی بحریہ کے سمندری باد بانی جہاز  ، باد بانی کشتیاں  اور باد بانی ڈنگیاں  شرکت کریں گی ۔

          آزادی کے امرت مہوتسو پر کشتی رانی  کی تقریب ممبئی اور وشاکھا پٹنم میں بالترتیب اکتوبر اور نومبر میں  منعقد کی جائے گی ۔

Related posts

سرحدی سڑکوں کی تنظیم کے چیف انجینئروں کی سالانہ کانفرنس 2017

اے آر آئی کے تحقیق کرنےوالوں نے بیماری کے جراثیم کا پتہ لگانے کے لئے سونگھنے والے بَگ تیار کئے ہیں

وزیر اعظم نے گرو گوبند سنگھ جی کو ان کے 350 ویں پرکاش پرو پر یاد کیا